و بدت مقدمة البرنامج متميزة ومتمكنة من أداء عملها بمهنية عالية و مداخلات كرونيكورات المنوعة حاتم بلحاج و جميلة الشيحي جريئة و صريحة و تحترمان الخصوصيات و القيم التي تربى عليها المجتمع التونسي بل هناك نقد شديد للسلوكيات الشاذة و محاولات نشر ثقافة الابتذال و التعسف على الاخلاق العامة و الظواهر الغريبة عن تقاليدنا . و هناك اختيارات راقية للاغاني و استضافات يستفيد منها المشاهدون .

---

---

"هدرة أخرى " من البرامج التي تشجع التونسيين على العودة الى قناتهم الوطنية التي لا تعوزها الامكانيات لتنافس بقية القنوات لو تفتح المجال لكل الطاقات و تواكب ادارتها مقتضيات التطور .

---

متابعة- تعرض برنامج هدرة أخرى الذي بث مساء 26 جانفي 2019 الى حملة كاذبة أجابت عليها الممثلة جميلة الشيحي بالتدوينة التالية :


أنا ليوم مصدومة في حملة إلي صارت هي مجرد حملة كاذبة للتشويه ما نعرفش وين يحبوا يوصلوا هنا نتساءل كيفاش الصحفيين محترفين عنا الثيقة فيهم الترويج لهذا الخبر.. و الي يشوف و يتفرج في البرنامج يتأكد من هذا و الي صار هو في rubrique رادار basé عالبلايك قدامنا و قدام كل واحد من الضيوف بلايك الطرقات مجرد لافتات صغيرة بلاكةstop بلاكة فتح المجال بلاكة بالدارجة ...وقتلي قالتلي يسر منشطة البرنامج الكل شيهز البلايك قلتلها انا ديجا احنا قاعدين ورا البلايك معناها الجملة ما عندها حتى علاقة لا بالrubrique إلي قبلها ماعندها حتى علاقة بالهاشمي الحامدي و ما ذكرتوش و ما قلت حتى اسم و لا حتى ولاية قصدي احنا قاعدين ورا البلايك و حاضرين شنهزوهم ما نعرفش شكون قام بالحملة هاذي ردة فعل غريبة ما فمهتش شنوة هالبغض و الحقد انا نراها تحويل وجهة manipulation وين يحبوا يوصلوا انا في نفس الحصة نحكي على الميز العنصري و العنصرية الي تعرضلها المعلم و حكيت عالمرا الي مريضة بال cancer كيفاش راجلها حب يطلقها للضرر و في كل حصة ندافع عالمرا، عالراجل، عالزوالي تو ولينا الي يقول كلمة و لا تفدليكة و لا رأي الكل يردوها تحويل وجهة و يأولوها الله غالب فما ناس هكا خدمتهم يعسوا عليك و على كل كلمة تقولها و يهزوها لوجهة نظر اخرى يحبوا عال buzz
ارجعوا للفيديو اسمعوه و ثبتوا مليح و كان جا صحيح راهوا تنشر و كسر الدنيا قداش فما تسيب و حقد ❤ لوقتاش شيتواصل التلاعب بالأخبار الزائفة
بربي يزيو من الفتنة ومن اخبار fake news وbuzz‼ ‼
حسبي الله و نعمة الوكيل
حاجة اخرى تضحك الباجية انا باجية و نتشرف ببلادي بالمرا إلي رباتني نتشرف بالبلاصة إلي عشت و قريت و ترعرعت فيها يا ناس إحنا الكلنا توانسة من جنوب للشمال من بنزرت لبن قردان

كلنا_توانسة من كامل ربوع الوطن ، لا فرق بين الجميع ولا الجهات