"توة بربي احنا أعضاء جمعية قدماء المرناقية ما عندناش الحق في المشاركة في الحياة العامة؟؟

---

---

ياخي موش فمة مبدأ من مبادئ حقوق الإنسان والديمقراطية والمجتمع المدني والبيئة النظيفة والتنمية المستدامة والسلم الدولي هو مبدأ إعادة تأهيل السجناء في الحياة العامة؟
في هذا السياق انتظرونا انا وصديقي وخويا سمير الوافي صاحب (للأسف بالنسبة لبعض الفشلة) أعلى أرقام مشاهدة في البرامج السياسية على الإطلاق...
انتظرونا كل سهرة أحد واربعاء... في برنامج الرئيس على قناة التاسعة، برنامج خاص بمناسبة الانتخابات الرئاسية التونسية السابقة لأوانها...
إعادة ادماج السجين حق من حقوق الإنسان......"


هيثم المكي : المترشحون للرئاسة سيحاورهم على قناة التاسعة الفاسدون والمرتزقة
وكان الاعلامي هيثم المكي تساءل الأحد 18 أوت، عن الجدوى من مقاومة الفساد في الوقت الذي نجد فيه شخصيات حوكمت بتهم تتعلّق بالفساد والتحيل والابتزاز تعود بعد مغادرة السجن لنفس الموقع الذي كانت فيه.

وخصّ المكي في تديوينته بالذكر كل من الاعلامي سمير الوافي والسياسي برهان بسي وقال "برهان بسيس مثلا مرتزق سياسي، تاريخو زبلة، ردّوه إعلامي و صانع رأي عام، تحاكم في قضية فساد، و دخل للحبس وكي خرج تهزو قناة التاسعة وسمير الوافي مرتزق إعلامي، عندو أكثر من خمسة قضايا، بين تحيل و إبتزاز، و تحاكم في وحدة منهم، خرج من الحبس كيف كيف، هزتو قناة التاسعة للبلاتو.

وأشار في هذا السياق إلى البرنامج الجديد "الرئيس" الخاص بالانتخابات الرئاسية الذي سيقدّمه سمير الوافي وسيرافقه برهان بسيس ككرونيكور وقال " موش أي بلاتو راهو، برنامج خاص بالانتخابات الرئاسية، يعني المترشحين للرئاسة باش يحاوروهم الفاسدين و المتحيلين". وتابع قائلا "تو نشوفو شكون هم المترشحين اللي باش يمشيو يحكيو لنا على حبهم للوطن و برنامجهم لتونس عند الجماعة، خاطر نعرف اللي فيهم برشة كيف كيف، ما يكسابوا حتى ذرة كرامة و مستعدين يبيعوا الدنيا على سويعة مباشر".

تجدر الاشارة إلى أن البرنامج الجديد لسمير الوافي سيبث كل يوم اربعاء وأحد على قناة التاسعة طيلة فترة الانتخابات الرئاسية.