سي مرتجى (أو إسمك لاخر الحقّاني) نبشرك أنّك فاشل في التغطية على أغلاط سعيّد. لوغة الدّمغجة متع قيم و مبادئ إلّي تحكي بيها ما تصمدش لحظة قدّام تغفيصات سعيّد المتتالية. إلّي يحكي بالقيم ما يفبركش قصّة الظرف المسموم. إلّي يحكي بالقيم ما يرميش النّاس بتهم الفساد من غير دليل و ما ينصّبش روحو قاضي. إلّي يحكي بالقيم ما ينتهكش الدستور و يحاول يتجاوز صلاحيّاتو وهو أقسم و يدّو عالمصحف أنّو يحترمو و يحميه. إلّي يحكي بالقيم ما يفرقش بين التوانسة إلّي يوافقو
و يمشي معاه يستقبلو و إلّي ضدو يطفّيه.

إنتي و أمثالك راكبين على بردعة قيّس سعيّد خاطرو يصكّ في النهضة بما أنّو فكركم المحدود ينظر للأشياء ديما بالمع أو الضدّ. أما صدقني ما تعرفش وقتاش مولى البردعة ينطر إلّي فوقها و يصكّو كيما صكّ غيرو. زيدوا بررّولوا تو يعبّركم أصلا.