بعد إصابتي بمرض كورونا حبيت نقول حاجة، بربي معادش تقولو الكورونا grippe و متضرش و متعمل شيء!!!
والله مرض خايب برشة، مرض يخسرنا الي نحبوهم و تخزرلهم و متنجمش تعمل شيء حتى كيف يتوافاو متنجموش تشوفهم و تودعوهم..
مرض وجيعتو قوية حتى النفس كيف تجبدو يوجع، كيف السكينة تشق القلب مع كل نفس، حتى كيف تتعدى مرحلة الخطر تقعد مرهوج راسك يوجع وجيعة قوية برشة بدنك الكل يوجع رواريك مفاصلك تخزر للدنيا مرهوج حتى بعد مدة تقعد آثار خايبة مرض يضر كل شي في بدنك ياكل الرواري كيف السوس،
معناش إمكانيات جملة باش نقاوموه انت و زهرك كان وصلت للانعاش شوف فما بلاصة شوف لا، و الأعمار الكل يضرها كيف الكبير كيف الصغير كل يوم تدعي ربي تطلع من الجماعة الي مناعتهم قوية و كل يوم تقنع روحك الي رواريك باش يغلبو باش يتنفسو كل يوم تدعي ربي تنقص الوجايع راسك و ذنيك قلبك كتافك ضهرك ساقيك معدتك كل شي يوجعك..
بربي ردو بالكم على رواحكم على والديكم على صغاركم راهو صعيب والله صعيب خذوه على محمل الجد بالحق عقمو ابعدو على كل شي ردو بالكم...
كل شي تنجم تعملو نهار اخر الخروج المحواس الماكلة كل شي تنجم تعوضو و توخرو الا صحتك متتعوضش جملة.
ربي يحمي الناس الكل

حتى أبي توفي بالكوفيد19 منذ خمسة أيام و لا حول و لا قوة إلا بالله و الله يرحمهم جميعا و يكتبهم من الشهداء