" لكل من اتصل بي للإستفسار عن ما راج في وسائل الإعلام بخصوص حكم صدر في حق زوجي الأستاذ المحامي و الجامعي منذر بالحاج علي
أعلمكم :
أوّلا:
إنّ هذه القضية دبّرت بذيل من طرف حركة النهضة و قوّادتها سنة 2012-2013 وهي تخص منحة دراسة أسندت لزوجي في السنوات 2000 و هو طالب في كلية الحقوق و العلوم السياسية بتونس !
علما و أنّ المنذر بالحاج علي نجح الأول وطنيا في مناظرة مساعدي التعليم العالي في القانون العام والعلوم السياسية. و الأول في الإجازة و المرحلة الثالثة و الأول مع جائزة الجامعة في اختصاص القانون العام و العلوم السياسية.
ثانيا:
علم المنذر بالحاج علي و عائلته بالحكم والجلسة من و سائل الإعلام بعد ما تمّ نشر الخبر ككلّ المواطنين.
ثالثا:
هذه القضية نقضت في التعقيب و أرجعوها بقدرة قادر للدائرة الجنائية.
أخيرا وليس آخرا:
نحب نسأل سؤال: علاش من ولاد الشعب التونسي الكل إلي تمتعو بمنح للدراسة في الخارج منذر بالحاج علي فقط يحبو يسجنوه على خاطرو مشى يقرأ و قد تحصل على منحته بموافقة المجلس العلمي لكلية الحقوق بالإجماع،
و هو قيمة علمية ثابتة و قرّى أجيال في كلية الحقوق و العلوم السياسية بتونس؟؟!
ربّما لأنّه من القلائل اللذين لم يدخلوا بيت الطاعة.... و قعد يقول "لا" و يقول الحق. و يقول ما فيه خير لتونس كلّفه ذلك ما كلفه...
و نقوللكم : هذه القضيّة سياسية و السجن من أجل قضايا عادلة لا يخيفنا وما يزيدنا كان عزم باش ننقذو البلاد هاذي من الجهل و الفقر و الخراب و الإنحطاط إلّي و صلنالو!
منذر بالحاج علي نهار إلي بدأ يعمل في السياسة منذ أكثر من أربعين سنة لم يخف يوما السجن و لا التهديدات بالقتل ولن تثنيه حملاتهم التشويهيّة و أحكامهم على مبادئه و لن يدخله ذلك بيت الطاعة!"