صابرين القوبنطيني: وزير الدفاع قال لي مداخلتك حول البعثة العسكرية الى مالي ماعجبتنيش وعلّق عليا التلفون

Mercredi 13 Mars 2019



Mercredi 13 Mars 2019
باب نات - كتبت النائبة بمجلس نواب الشعب صابرين القوبنطيني الأربعاء 13 مارس على صفحتها في الفايسبوك تدوينة قالت فيها انه بعد تدخلها امس الثلاثاء تحت قبة البرلمان حول دستورية اجراءات ارسال بعثة عسكرية الى مالي وعلاقة وزارة الدفاع بما يعرف بقضية الحبارة في توزر هاتفها وزير الدفاع عبد الكريم الزبيدي اليوم ولامها على التدخل محاولا الضغط عليها.
واضافت صابرين القوبنطيني أن وزير الدفاع قال لها " مداخلتك حول البعثة التونسية الى مالي ماعجبتنيش وعلّق عليا التلفون".

وفي ما يلي تدوينة صابرين القوبنطيني:

" على اثر مداخلتي بمجلس نواب الشعب يوم امس في اطار مناقشة ارسال بعثة عسكرية تونسية الى جمهورية مالي، تلقيت مكالمة هاتفية منذ قليل من السيد وزير الدفاع الوطني عبد الكريم الزبيدي ، حول مداخلتي امس في الجلسة العامة (حول دستورية اجراءات ارسال البعثة وعلاقة الوزارة بما يعرف بقضية الحبارة في توزر)، اقل ما يمكن نقول عليها انها تدخل مباشر في عمل النائب، السيد الوزير كلمني باش يقلي "مداخلتك ما عجبتنيش..." وانتهت المكالمة بالحديث بنبرة حادة "عيش بنتي انا راهو كنت عميد وكنت وكنت وقت اللي انت تتمتع بالحصانة تراوين" وعلق عليا التلفون، رغم الي انا وضحتلو اللي راني نخدم في خدمتي وان علاقتي به علاقة نائب بوزير في حكومة لا اكثر لا اقل ، وبكل تربية واحترام، واكدت عليه اللي راني نقوم بدوري كنائب استنادا على وثائق ومراجع قانونية وبلاغات رسمية خرجتها وزارة الدفاع بيدها في وكالة تونس افريقيا للانباء، واشعرتو انو ما لازمش نشخصنو الامور وانو هذا عمل نيابي عادي واللي انا ديما نخدم في حدود الاحترام... " شنوة شنوة؟ تعطي فيا في درس؟" هذه كانت احدى اجابات السيد الوزير... حاسيلو انا مازلت مصدومة من هكذا تصرف وباش نرفع الامر لرئيس مجلس نواب الشعب مباشرة عبر مكتوب خاطر موش معقول حتى طرف انو نائب يجيه تلفون متع ضغط وتهجم وحديث مالفوق على خاطرو عمل مداخلة ...

سيدي الوزير، نعاود نقولك كيما قتلك في التلفون... راهو النائب طالما يخدم خدمتو تحت قبة البرلمان ويناقش موضوع بالاستناد على بلاغات رسمية، الجواب والنقاش يكونوا في اطار الموضوع، موش لازم الامر يولي متعلق بشخص الوزير والا بشخص النائب.. وهذا حقي وحق كل نائب مهما كان انتماؤو باش ما نقولش واجبو... وتبقى قبة البرلمان هي الفيصل...
مع العلم اللي الكل يشهد انني عمري ما طيحت قدر اي عبد في مداخلاتي واناقش ديما الاداء والخدمة وهذا امر نعتبرو بديهي وعادي في ديمقراطية... وهذا يسري كذلك على المكالمة الهاتفية اللي صارت البكري...
ويبقى هذا دليلا على ان الحديث في ملف الاجراءات والدستورية والحبارة يقلق... ويقلق برشة..."



  
  
     
  
rtt-16bffac38d4dba3bfe7bcb24b7049f7b-2019-03-13 18:02:25






4 de 4 commentaires pour l'article 178677

Mnasbad  (Tunisia)  |Jeudi 14 Mars 2019 à 11h 50m |           
Bravooooooooooooooooo Sabrine

Cartaginois2011  (Tunisia)  |Jeudi 14 Mars 2019 à 08h 24m |           
السيد هذا مازال ما فهمش الدستور،يخدم وحدو،قال شنوّا هاوكا الرئيس على علم!!!في حين أن المسائل الهامة تدرس في مجلس الوزراء،ويصوّت عليها ان لزم الامر

MedTunisie  ()  |Mercredi 13 Mars 2019 à 21h 32m |           
يبدو من كلام السيدة النائبة ان السيد الوزير مزال يعمل بعقلية قديمة

Sarramba  (France)  |Mercredi 13 Mars 2019 à 21h 07m |           
النائبة صابرين القوبنطيني ليست من عائلتي الفكرية والسياسية ولاكن اساندها في هذا الموضوع خاصة
يبدو ان هذاالوزير وليس وحده معالاسف يجهل و يرفض الراي الاخر
وخاصة يلزمه ان يتعلم رغما على انفه ان نواب الشعب الذين يمثلون الشعب هوو سلطته التنفيذية يخدمون الشعب والشعب ونوابو فوق كل الصلط
فالحكومة والحكومة بمافيهم رئيس الجمهورية هم خدامة وقتيين عندالشعب التونسي الابر حب من حب وكره من كره مثلماقالها بورقيبة عند فرضه التعاضد والشيوعية في تونس المؤمنة بحرية الملكية وحرية راس المال





En continu


الجمعة 22 مارس 2019 | 15 رجب 1440
العشاءالمغربالعصرالظهرالشروقالفجر
19:59 18:34 15:54 12:33 06:20 04:53

15°
15° % 72 :الرطــوبة
تونــس 11°
5.1 كم/س
:الــرياح

الجمعةالسبتالأحدالاثنينالثلاثاء
15°-1115°-618°-520°-618°-11















Derniers Commentaires