" حاولت نعمل لايف، نلقى مارك مانعني!
اجتمع مكتب المجلس اليوم بناء على طلب الحكومة، لتأجيل جلستي الغد وبعد الغد "إلى أجل غير مسمّى"!
تعرفوا علاش؟ على خاطر الاتفاقيات المعروضة فيها وحدة تخص تركيا ووحدة تخصّ قطر!!
وعلى خاطر الكتلة الديموقراطية اللي رافضة تصوّت لمشروع حكومتها، المشروع اللي تقدمت به حكومة الشاهد من 2017! يمشيش فيبالكم تقدّموا بيه عملاء قطر من الإخوان والدواعش؟! لا! هذا تقدمت بيه الحكومة التونسية، ومن جملتهم تخصيص موقع للصندوق القطري للتنمية بتونس!! يعني مغارة علي بابا للتنمية في تونس! اللي دول أخرى تجري وراها كي تحصل على هذا الامتياز.
الحكومة التي عجزت عن إقناع بعض مكوناتها للتصويت لمشاريعها، ترضخ للمرض الايديولوجي عند البعض، وتقرر عدم الحضور للدفاع عن مشاريع قوانينها، وزير الخارجية يرمي الكرة لوزير التنمية، ووزير التنمية يرميها لوزير الخارجية، وكل واحد يقول خاطيني!!
أنا كممثل لائتلاف الكرامة داخل المكتب رفضت التأجيل، وصوّتت ضدّ هذا العبث بالمصلحة الوطنية، وسجلت موقفنا الرافض لهذه الخزعبلات الايديولوجية كلما تعلق الأمر بتركيا أو قطر.
للأسف، هذا هو حال سياستنا، المصلحه الوطنية تخضع للابتزاز وإرضاء النزوات متع ناس لن تشفى أبدا ممّا هي فيه."