رسالة مفتوحة للرئيس سعيّد
[د.خالد الطراولي ]
بعد التحية التي تليق بالمقام اسمحوا لي أن أخاطبكم بلهجة البلد
بعد التحية التي تليق بالمقام اسمحوا لي أن أخاطبكم بلهجة البلد
يا سيد الرئيس مع كل الاحترام راو اللي يختلف معاكم ماهوش بالضرورة خائن وفاسد وما يحبش الخير لبلادو!!!!
راو اللي في الخارج وما همش متفقين معاكم ما همش بالضرورة خونة وعملاء وبياعين لسيادة الوطن!!!!
راو خطابكم باش يقسم التوانسا ويثير بيناتهم الحقد والكراهية والعداوة اللي تنجم تمشي لحرب أهلية لا قدر الله!!!!
راو تهديداتكم واتهاماتكم بملفات بلاش أسماء وخارج القانون والقضاء خلات الناس تسب وتشتم وتتهم في ناس مظلومين وهتكولهم أعراضهم وشرفهم مجانا وخطأ وظلما
يا سيد الرئيس رانا نحبوا بلادنا ونختلفو معاكم بكل احترام ونراو اللي قمتم بيه انقلاب على الدستور وهذي حرية التعبير اللي يضمنها الدستور ورانا ما ناش خونة ولا عملاء ولا باياعين للأوطان انظرو تاريخنا توا تعرفونا...من أجل هذا الوطن دفعنا الثمن باهظا سنوات الجمر وباش نبقاو صادقين مع ضميرنا ومع شعبنا وأوفياء لمبادئنا وأخلاقنا وقيمنا وثوابتنا.
ربي يحمي تونس
اللهم قد بلغت اللهم فاشهد
احتراماتي
32°
24°
Comments
0 de 0 commentaires pour l'article 231870