---

---

ونشرت زوجة وليد زروق، ايناس بن عثمان تدوينة قالت فيها "اليوم أتممت مهمتى وليد زروق حر ونشا لله ربي يحميه ويوجهو خير" وقد أثارت عبارة يوجهو خير موجة من التعليقات حيث تساءل أصدقاء زوجة وليد زروق عن الغرض منها فيما أشار البعض إلى أن ايناس بن عثمان قررت الانفصال عن زوجها.


كما كتبت ايناس بن عثمان التدوينة التالية :
''كان مش فايسبوك راني متذكرتش نهار عرسي الي ماعاد يعنيلي شي
مرة عملولي حوار في جريدة و كان العنوان لا اامن بالمؤسسة الزوجية ولكن نمن بالحب...
تعرفو علاش خاتر الزواج ماهوش كان حب هو برشا حاجات اخرى مهمة كيف الفكر و الأصل و التربية و التعليم و الثقافة و خاصة الثقافة ......
زيد في البلدان متع العريبة الي متربية عالتنسنيس تلقى العايلات تدخل في شؤون الخاصة متع المرا والراجل......
و اكالمثل متع الحمى و الكنة الي عمري ماكنت عايشتو قبل عشتو في أسوأ حالاتو ......
انا الي مخي في الفن و في الانسانية و في العلم و في حال البلاد نلقى روحي نخمم في تفاهة التفاهة بش نرضي حماتي و لوزاتي .......

نتصور برشا كيفي اما يستحملو و يسكتو ..... نتصور برشا نساء تعاني في نفس الألم و تسكت و تعدي حياتها تبلع و تغص.......
اليوم انجم نحكي بعد متخلصت من العقد الي كانت مفروضة عليا..... و نقلكم الي العرس ماعاد يعنيلي شي .... اليوم بش نعيش على خاتر بنتي و روحي .... خدمتي و صحتي.....
خاتر انك تكون باهية راك في عينيهم خايبة و كانك خايبة في عينيهم متصلحش ......
الي صارلي نكتب بيه كتاب نحكي فيه على قلة المعروف ....
ولا نعمل بيه فيلم نسميه ...........
اكتشفت انو العرس للمجتمع و العايلة .....
وطية و حنة و حمام و لوزتك تأكد عليك و تقلك وه كيفاش بلاش وطية ....و الوطية زوز تبديلات...... و العرس في بلدية المرسى و الكرهبة يلزمها بيضة و الروبة أبيض مالبيوضية بش ما اقولوش مطلقة ......
ونتي تعمل و ساكتة تقول توفي جومة العرس و نشد داري و نرتاح ..... دوييييو وقتها بدات الجوجمة الصحيحة و الي ماتوفاش ......
ولا اردوك تشك في روحك وتقول بالك انا غالطة......
بعد برشا وقت تعرف الي مكش غالطة و المشكل مشكل ثقافة ..... و تربية ......''