تكركيرة : قل لي اي شعب انت ، اقول لك من يحكمك

Vendredi 31 Août 2018



Vendredi 31 Août 2018
بقلم / منجي باكير

شعب غارق في القروض الربوية للعنكوش ، شعب يحب الخلعة و تكسير الضلعة ، شعب ردوه يجري على كرشو يشفق ما يلحق ، شعب شطره يكنكتي و الشطر الآخر يبحث على ريزو ،،، شعب بكبيره و صغيره ما يعرف على هويته و دينه الا ما قل و دل اما تاريخه فيا حسرة .... شعب شادد الستادات و معبي المهرجانات و اللي قعد البرة في الاعراس و الحوم و القهاوي ،،، شباب يحلم بالقمار و الحرقة و الدخان و مشتقاته ، نساء لاهية بالمسلسلات و الريجيمات و خوذ و هات ،،،، شعب في اكثرو هايم غايم ، مسيب الماء ع البطيخ و دار الخلا تبيع اللفت و خوذ فيَ ناخذ فيك ، شعب بايع الطرح و بايع الصندوق ، و الله ينصر من صبح ،،، شعب يزوك من الغلاء و هو اللي ينفّض الاسواق العادية و السوداء ، شعب يشكي و يبكي من الرشوة و المحسوبية و هو اول من يصنعها و يطلبها و يشجع عليها ، شعب يحب ع الهندي المقشر و البارد زادة ،،، اما الخدمة يسمع عليها و ما يعرفهاش و اللي قراو ماتوا و اللي خدموا ماتو ....
شعب بها المواصفات كيفاش تحبوا يكون من يتولى أمره !؟ كيفاش تحبوا حال من يحكمه !؟



  
  
     
  
festival-5c7e0f458302563d7be1a882896f7ad6-2018-08-31 10:38:05






3 de 3 commentaires pour l'article 167002

NBFRADJ  (Tunisia)  |Lundi 03 Septembre 2018 à 08h 20m |           
.تشخيص يلامس الواقع
و ما خفي كان اعظم

Mandhouj  (France)  |Vendredi 31 Août 2018 à 20h 15m |           
مجتمع الإستهلاك له تداعيات كبيرۃ .. مجتمع الإستهلاك هو مشروع إقتصاد السوق المفتوحۃ .. القيم البناءۃ تنزل و تحل محلها ما يسمی القيم الجديدۃ ! ! فهو مشروع النظام الرأسمالي حتی يقع الإستعباد عبر الإستهلاك .. و الجري وراء الإستهلاك ..

ما هو المشروع المجتمعي الجديد لتونس ؟

اليوم مع الأسف ليس هناك روءيۃ جماعيۃ للمستقبل .. و هذا أيضا من الترديات السلبيۃ لمجتمع الإستهلاك.

Khalbaoui  (Germany)  |Vendredi 31 Août 2018 à 13h 32m |           
صدقت ايها الكاتب، هذا هو التشخيص الصحيح لداء البلاد التونسية و الامة باكملها. اللهم اصلحنا و اعنا على اصلاح احوالنا و انفسنا.





En continu


الاثنين 18 فيفري 2019 | 13 جمادي الثاني 1440
العشاءالمغربالعصرالظهرالشروقالفجر
19:29 18:04 15:36 12:40 07:04 05:38

16° % 75 :الرطــوبة
تونــس
1.5 كم/س
:الــرياح

الأحدالاثنينالثلاثاءالأربعاءالخميس
16°-217°-717°-513°-1116°-5















Derniers Commentaires