والله الاسبوع الماضي كنت في تركيا، بكيت على بلادي، وتمنيت لو كنت تركي، النضافة والنظام والاخلاق والاداب والسلوك الحسن والاسعار المعقولة. حسبنا الله ونعم الوكيل

يجب الاعتناء بصورة تونس في الداخل قبل الخارج..... تونس الهمجية،تونس البهامة،تونس الفوضى،تونس الجعالة والرشوة، تونس الراسيزم،تونس الجبورة،تونس العصابات،تونس تخديم المخ،تونس الغبابر والوسخ،تونس الكياسات لمحفرة، تونس لقناطر الخايخة،تونس الياجور الأحمر الملبّز في كل ثنيّة،تونس البني الفوضوي،تونس الزبلة في كل نهج،تونس الدولة بلاش دولة،تونس البلاد بلاش إمّالي، تونس 3000 سنة حضارة وشعبها كتاب ميحلوش،تونس الغشّة والسرقة عيني عينك،تونس التكركير في الإدارة وأرجع غدوة،تونس الستاغ تبعث ميساج لترشيد إستهلاك الطاقة وتمشي تلقي البيروات فارغة والضوء والكليماتيزورات يخدمو،تونس غلاء الأسعار،تونس القهاوي وحوانت الحمّاصة واللبلابي والكفتاجي والأكشاك الفوضوية، تونس وزراء تدشن فالقهاوي،تونس البراوط والكراذن،تونس الكنترة والسوق الموازية،تونس السلع المضرحة والمضروبة،تونس النهبة والتحيل والخطفة،تونس المسخة، تونس السشييات،تونس هراوة في يدو ويحكم في نهج كامل بألفين لبلاصة والحاكم يتفرّج،تونس العياط والزياط والسب والكلام الزايد،تونس العرك،تونس الخوف،تونس الإرهاب، تونس 0 عدالة إجتماعية،تونس البطالة،تونس الأخلاق الفاسدة،تونس تاكسيات بانديا وسرّاق،تونس الحاكم مافيا،تونس وين تسكن و شنوا تخدم، تونس المظاهر،تونس الباراجات،تونس البراكاجات،تونس المهبلة في الشوارع،تونس الخضراء بلا جناين،تونس إلى يربي موش متربي، تونس حرقان الضو والستوب،تونس ياقف في وسط الكياس بالكرهبة باش يسلم على صاحبو،تونس كثرة التزمير وسياقة الهماجية،تونس المرمّاجية والحصالة في كل ثنيّة،تونس الروائح الخارجة من الخنادق،تونس القمم تجري وديان، تونس بلاد القطّوس والناموس والذبان والخنفوس والكلاب السائبة والجرابع والوزغ والفيران،تونس البقر تأكل في البوبالة ويسرحو بالغنم في الشوارع والروائح طالعة،تونس التروتورات مأوى للكراهب وللكماين والطريق ممشى للمترجلين،تونس عدم إحترام الصف،تونس بالوجوه،تونس بالأكتاف، و المناصب موش بالكفاءة . تونس بالتشحيم،تونس ناقصة دوايات،تونس بلاش خدمات في السبيطارات،تونس العباد تموت والسبيطار بحذاهم وإلا بقلة وإنعدام الأجهزة،تونس الكيران لمسخة والترينوات المخربة والكراسي المنقبة، تونس مايقراش حساب غيرو،تونس الأسواق البلدية بلاش مراقبة صحيّة،تونس الخضرة والغلة والماكلة مفروشة في القاعة أو مرصفة على نصاب مسخة تغلي بالميكروبات،تونس مطاعم الغش وقلة الجودة والنكهة والغلاء والكواء،تونس الرمل والبحورات المسخة القافرة،تونس الكورة، تونس الشيشة،تونس البلعة،تونس الزطلة،تونس الزنا وقلة الحياء،تونس الجوامع والمساجد القافرة والتوالات العربي،تونس الميضة اليّ تنقض الوضوء، تونس المقابر يتقاسمها الأموات والطلاب و السوكارجيّة مع بقايا الحشيش الشايح ودبابز البلاستيك،تونس الفترينات المسخة والباعة المكشبرة،تونس التاي بااااز يامدام والكروش الدازه،تونس السبور كان للفيس والمظاهر،تونس التبزنيس الماسط والتكبيش،تونس الإسلام والحرام مع المرأة والراجل راجل، تونس الريجيم قبل العرس ومن بعد راجلي يحبني هكا،تونس الزهاز والموسم والبقلاوة والروزاطة والمصروف الزايد 7 أيام و7 ليالي،تونس العرس للعباد والأهل والجيران،تونس الشلايك وطرشيق القلوب واللوبان،تونس الفيس والتفليم والتبلعيط،تونس الديون والسلف والقلبة، تونس التعليم الفاسد...الاطار الطبي الفاسد...نقابات فاسدة....ادارة فاسدة ...البلد الوحيد في العالم الذي تكون فيه مأمن على المرض وتموت لأنك لا تملك مصاريف العلاج

الجهيناوي و حزب النخلة والتجمع المنحل نجحوا أيما نجاح في بعث مؤسسة تعنى بالترويج لصورة تونس في الخارج خير دليل السفير العمري في برلين

تونس لها اكثر من 90 بعثة ديبلوماسية في الخارج ،و هو عدد كبير جدا اعتبار لحجم تونس و امكانياتها،العمل في القنصليات و السفارات هو تشريف و سياحة على مدى السنة بالعملة الصعبة من ميزانية الدولة،مردود هذه الجيوش من الاداريين الافشور متواضع جذا و لا يتعدى حفلات الاعياد الرسمية.و مقترح الوزير يشبه نعامة حمة الجريدي و شخصيا اقترح تقليص عدد البعثات الديبلوماسية و المؤسسات التابعة للخارجية

إحداث مؤسسة تعنى بالترويج لصورة تونس في الخارج -يقصد ترميم ما يفسده الإتحاد والجبهة من الدبلوماسية الموازية *

العملة الصعبة هم مواطنيكم في الخارج فالسياحة مواسم و لا غير ذلك..... سمعت كثير من الأشياء الإيجابية عن تونس ، لكن لما ذهبت ، صدمت .. ماذا تفعلون بالمكياج الزيف يا سادة ؟ 🇹🇳🏖🗣🇹🇳

ثم قوانين البلاد هي التي تسوق للصورة .. تعامل المؤسسات الأمنية و غيرها من مؤسسات الدولة في الداخل مع المواطن ، مع السائح ، مع العائد للوطن ، ...، هي التي تسوق للصورة الحقيقية ...

على كل حال ، كلنا سفراء ، إلا من يهدم .

السائح هو المروج الأول للصورة .. الجميلة أو غيرها .. ثم المهاجر ، جالياتنا في المهجر ... كيف تتعامل الدولة مع الجالية ؟ لنا فرصة في انجاح ديمقراطياتنا عبر الحرب على الفساد ، و و ... ثم كيف هي مدننا و قرانا ؟ ثم الصورة ستكون جميلة و جمالها يكون حقيقي ... أما لما تسمع مواطن من دولة أخرى يقول لك سمعت كثير من الأشياء الإيجابية عن تونس ، لكن لما ذهبت ، صدمت .. ماذا تجيبه سيدي ؟