<img src=http://www.babnet.net/images/2b/kassasghanammm.jpg width=100 align=left border=0>
باب نات -
نشر النائب السابق بالمجلس التأسيسي سعيد الخروشوفي صورة لزميله بالمجلس براهيم القصاص وهو يكسب قوته من بيع الماشية.
وقد اختار القصاص من خلال الصور ان يكسب قوت يومه من تجارة الماشية بدل عقد الصفقات السياسية كما فعل غيره.
وعلق القصاص على الصورة
بالتدوينة التالية 
:
"
الحمد لله والشكر لله خدمة باباي وجدي وهي تاج على راسي من فوق. انلقطوا خبزة الصغار بالحلال وطز في هالحكومة الظالمة الي قلبتي في فلوسي والبعض الي شوهوني بالباطل..
"
وفي تدوينة أخرى كتب القصاص التالي :
" القصاص يبيع ويشري في الغنم...وين المشكل.؟ وزيد نخدم في المرمة وانبيع في الحشيش علفة ونتشرف..نخدم على صغاري بالحلال لاني طماع ولاني مرتشي ولا بيوع ضد بلادي. وزيد أني لا نهار قلت للناس راني استاذ انقري في السربون ولا عالم فضاء في الناسا... اني ببساطة رجل بسيط من عامة الشعب ويشرفني نكون خادم لأهلي وناسي واولاد شعبي في اي بلاصة سوى كنت نايب في البرلمان والا شوفير نقل والا نبيع في المعيز في السوق... نعرف برشة ناس يحبوني كيما ثمة برشة منافيخ يكرهوني. لمكنتي اني ما نعرفش الكره ولا نكره..
على كل حال موش على خاطر الحكومة قلبتني في الاربعة صوردي انتاعي باش نوقف غادي والا نمشي انساسي.. برشة ناس ما تعرفش ونعذرهم انو لو حبيت نخرج مليونير من المجلس راني خرجت.لمكنتي يا ناس والله لا نحب لا الكذب ولا السرقة ولا فلوس الحرام . ولا نقدر انبيع بلادي للسفارات. الله غالب تربيت هكة... برشة عباد وهوما من نهار الي دخلت المحلس التاسيسي نازلين فيا تشويه بالباطل. علاش. الله اعلم... والله لا غرور ولا نعرف الغرور ندعي ربي سبحانه ينوب على تونس بعشرة رجال من طينة القصاص توة تشوفوا تونس وين تطلع . اما الله غالب برشة حقارة وهوما الحقرة تمشي على رجليها... هاوينه يا سيدي بن سيدي سيبنا جمل السياسة بما حمل للفشفاشة. غير خلي يفكوا على سمايا... خليهم يشبعوا بالكراسي والفلوس الحرام. اني والحمد لله بدوي ولد صحرة وخبزة صغاري انطرها من زروس الكلب...القصاص
"
تابعونا على ڤوڤل للأخبار
17°
12°
Comments
1 de 1 commentaires pour l'article 154101