أيَا جماعة المؤقَتة عرض أكتافكم :
أمر عدد 1086 لسنة 2011 مؤرخ في 3 أوت 2011 يتعلق بدعوة الناخبين لانتخاب أعضاء المجلس الوطني التأسيسي.
الفصل 6 ـ يجتمع المجلس الوطني التأسيسي بعد تصريح الهيئة المركزية للهيئة العليا المستقلة للانتخابات بالنتائج النهائية للاقتراع و يتولى إعداد دستور للبلاد في أجل أقصاه سنة من تاريخ انتخابه.

خلّيوهالنا كيفما نحبّوها
حلق الواد نسمة تخبّلْ و مشمومْ مرشوق فل و ياسمين و عنبر، ام كلثوم "عودت عيني" و سيد علي "عايش من غير أمل في حبك" و الغنا للصباح و المرواح عالفجاري و اللبلابي بالعظمة حار بالتن و الكبّار، غدوة عومة في الشط دلّاع بارد و باراسول قديمة و قايلة حنّانيّة، في العشيّة كاس تاي منعنعْ في سيدي بوسعيد، بامبالوني و فاتحة في الزاوية و نشعلو شمعة و ناخذو التّرينو و الصغار ضربهم الصّندال متع باطا، نهار السبت طهور ولد خالي، ربوخ في سطح و الحازامات تلوي و مرت
عمّي تزغرطْ و عندها ناب ذهب، نهار الاثنين دعوة متلازما لمطار الحجاج، نانا قاصدة ربّي لبيت ربّي، الكلنا محشيّين في زوز كراهبْ، سناجق و كانون و علم تونس و تزميرْ و نانا تبوسْ في حُفظاها و تبكي قبل ما تطلع في الطيّارة، و يجي العيد و نزيّنو الكبش و يطلع نطّاح و نحضرو الزقديدة و نبكيوْ نهار العيد و العصبان و المدفونة و القدّيد هذا لراس العام و هذا للحلالمْ، وفي راس العام ملوخية تفحفحْ و عامنا أخضر و ليلة المولد نباتو نعصدو و في الصباح نسا الحومة
يزغرطو و في الراديو "انزاد النبّي" و عصيدة بيضة متع العادة و في العشيّة تاي و كاكاويّة قدّام فيلم الرسالة... هاذي تونسنا و عُمركم ما باش تفهموها، خلّيوهالنا كيفما نحبّوها و شيخو إنتوما ببول البعير و النقاب و السواد و الهم و الغراد و عذاب القبر... هاذي تونس المزيانة الحلّوة الزّعبانة نموت في ترابك يا خضراء !

برَه اللَه لا تباركلك يا شيخ الفتنة، من نهارة إلَي رينا وجهك ما رينا خير يا شيخ النَفاق و الحرق و الماء فرق.

بركاتك يا. شيخ راشد