يا سيدي السلام و عليكم،
كيف حالكم و كيف حال تونس ؟

هاني سمعت أن يوم السبت كان نهار فيه برشى مظاهرات ، و برشى إيقفات،
قالوا شدوا برشى بوليسية يعملوا في الكنترى ، مديرين أمن ، رئيس فرقة .... فمى مغني متاع راب شدوه ....
كيف تحل المواقع الاجتماية و تشوف الأخبار ، تقول تونس خلات ، ياسر مشاكل ...
زعمى الدنيا دخلت بعضها ؟
اليوم أحد ، و فمى برشى أسواق ، زعمى السلع موجودة ؟
ردوبلكم إيبداش المحتكرين يعذبو في المستهلك،
و ردوا بالكم من الارهاب ، و من عصابات التهريب،


اسمعوا يا توانسة ، ما تنساوش إلي انتم شعب واحد ، و راهو نهار 14 جانفي 2011 و قفتم وقفة راجل واحد ، و راكم عملتوا ثورة على عصابات المافيا .
و راكم و ضعتم أهداف لثورتكم (الحرية ، الكرامة ، العمل ، الديمقراطية ) ، يلزم تواصلوا الدفاع على أهداف ثورتكم النبيلة . و إنشاء الله بوقوفكم تكون ثورة موفقة ، و تحافظوا على شبابكم من الطيش و الفساد و الانحراف و من أن يتبعوا العصابات الجهنمية في الداخل و الخارج . إلي عندو والدين كبار وشيوخ يلزم يحافظ عليهم ، قريو ولادكم وقفوا على دراستهم ، وردوا بالكم من السوايع الزايدة ، راهي فساد في فساد .

قولوا لرئيس الحكومة يطرد 6 أو 7 وزراء من حكومته راهم يفسدون و لا يصلحون ، و راهي لبلاد دخلت في حيط، و يلزم أولادها يوقفلها (خاصة الأغنياء منهم ، و رجال الأعمال المخلصين ، و الحكماء منهم ) ، أما الفاسدين منهم لوكان تعطيهم مال الدنيا ، راهم ما يعرفوا كان يفسدوا في الثروة و الأرض و الانسان و معاشه . وراهي الاصلاحات ماتجيش كي ما قال رئيس الجمهورية في ورقة المصالحة الاقتصادية و المالية، راه غالط و يلزم يرجع لليقين .

ثقوا في شبابكم ، راهم مستقبل البلاد .
منتساوش الجيش متاعكم راه يحبكم ، و يحب البلاد ، و البوليسية و الديوانة و قوات الحرس الوطني راهم ميش إبكلهم فاسدين ، راهم فيهم برشى وطنيين يحبوا بلادهم ، يلزم توقفوا معاهم و يلزم تنظيف الأمن من المخربين و المافيا .
يلزم تعرفوا إلي تونس تصنع برشى دواء ، و راهو مسروق ، يلزم الدولة تحل عيونها.
نظفوا المستشفيات ، راه عار على تونس .

يا توانسة ما تنساوش إلي قوتكم في وحدتكم ، و بالنشاط و العمل و المساهمة الإيجابية تنجموا محاربة المافيا و الارهاب و بناء بلادكم .