اين إختفى هذا الرجل هل احد يمكن له التوضيح

السبسي منته سياسيا بطبيعته لكنه بخادع نغسه واﻵخرين //%//الرجل مشدود بقوة إلى الماضي السحيق فإذا تحدث أثار اﻷمجاد المزيفة وما حسب له عند تولي رئاسة الحكومة الانتفالية كانت شهادة مبالغا فيها حتى لا نقول لا يستحقها *ﻷن تلك الفترة لم تكن تشهد معارصة فضلا عن التعاون الذي أبداه جل التونسيين رغبة في آستقرار اﻷوضاع إلى درجة أن المشار إليها كان يرد الفعل من حين ﻵخر بصفة عشوائية من ذلك إساءة معاملة صحفبة ووصف جانب من اﻷمنيين بالقردة ليثبت بأنه لا يفقه في الديمقراطية من خلال رفض النقد بشدة . إن المراهنين عليه بصدد المراهنة على حصان خاسر وكما يقول المثل الشعبي"كاللي يحش لبهيم ميت".

Bravo antidotebalsam
خاصة السبسي اللي هارب من فيلم ابيض واسود
وفوفو اللي يحلل في مضامين خطاب زعبع

إعلام لعموم السياسيين التونسيين و لآخر الأمراء الماكيافيليين:

راهو الوقت تبدل و زمان بوعنبة مشى على روحه، الوقت اللي كان فيه بورقيبة يلم بيه محفل متاع دساترة و "مناضلين" (بالمقاييس الدستورية المعروفة متاع النضال بالطبيعة) و يبدى هاذي و راه و هاذي قدامه يحكي على بطولاته و صولاته و جولاته في المشرق و المغرب، و ينبر فيه على مڨارين المجاهدين التوانسة (اللي سمتهم فرانسا الاستعمارية الفلاڨة) خاطرها "مصددة"، بينما هي اللي جابت الاستقلال و خلت بورقيبة يفحج على تونس 30 عام و مبعد يشفرو بن علي
الانقلابي و يبرك 23 عام، ضربان الكعصي هذا فات وقته، توة نحنا عايشين في وقت الأنترنات و المدونات و الفايسبوك و التويتر و القرصنة و التهكير. حكايات كيف هاذم يفوتوا السبسي ضراب الكعصي اللي حكى في مؤتمر "دافوس" اللي يحضروا فيه صفوة و نخبة النخبة متاع السياسيين و علماء و خبراء الاقتصاد و منظري الحوكمة ...إلخ، بمنطق "كل بلاد و أرطالها" (تترجم بالفغنسي à chaque pays ses 500 grammes) ماشي في باله متكي في شعبة و بحذاه فؤاد المبزع يحلل في مضامين خطاب
السيد الرئيس زعبوع المفدى.الراجل تحسه، رغم الهالة الإعلامية و عملية النفخ و تسخين البندير اللي عاملينها برشة قوادة و لحاسة من طينة محسن مرزوق برعاية المساند الرسمي إعلام الحجامة و اليتامى، تحسه هارب من فيلم noir et blanc يحكي على وقت غير الوقت و كل مرة يعمل عملة تنسي في عملة مسودة أخرى، و إلا يعمل إشارة بيديه تعطي حجة لأي بشر عاقل إنه العمر عنده احكامه، و الرجوع لله، إذا كان الكائن هذا قاري بحساب الموت و الحساب أصلا. دخل الباجي قايد روحه لمهزلة
الحمار الوطني و ركب و ردف و طلع بمطلع الحكومة المحايدة، حكومة التكنوخراط، اللي باش تمنع البلاد من كوارث الترويكا و ترجع تونس في ظرف جمعة و إلا جمعتين (بفضل المهدي جمعة في الحالتين) جنة على وجه الأرض، المهم اقترح الباجي قايد الفلول التجمعية المدحورة إسم محمد الناصر و مصطفى كمال النابلي و ضرب على الطاولة بالجهيد اللي قعد و قلك هاذم "محايدين" بالضبط و الترويكا رافضتهم خاطر عندها خطة خادمتها النهضة مع أحمد المستيري و ولى المستيري بفضل الدعاية
البنفسجية متاع إعلام الدعارة نهضاوي أزرق للعنكوش، بينما محمد الناصر خاصة طلعوه نبي و قديس و شعرة لا يرجعوه معارض شرس لنظام المخلوع، بالطبيعة النهضة ما وافقتش على إسم التجمعي هذا و صار الاختيار على إسم المهدي جمعة و نعرفوا الكلام اللي تقال على الراجل و فيها الصحيح و الغالط أكيد.المهم توة كل تونسي يتبع في شطحات السبسي زهايمر اللي يقول كلمة توة و يصك فيها في الوقت، ينجم يوصل لنتيجة أكيدة و مؤكدة: أحمد المستيري روح لداره راجل كيما خرج منها، و نهار من
النهارات باش يتذكروه التوانسة بالخير لأنه وقتلي طلباته بلاده في وقت صعيب لقاته حاضر للواجب، هذا المستيري اللي عصابة الباجي زهايمر اعترضت عليه خاطره "كبير في العمر" بينما الباجي نديد سيدي بوسعيد الباجي مسكين حليلته صغير مغير 14 سنة برك، فرخ حليب طايش و ثمة شكون غر بيه و دخله للسياسة بالسيف، باش تفهموا قداش العصابة اللي تخدم بالباجي عندها قدرة على النفاق و الدوهين، و راهو الباجي هو بيده يخمم إنه هو اللي يخدم بيهم موش هوما يخدموا بيه، يحضر في
الشباب ولده ممكن باش يشد تونس كاينها ورثة جده اللي كان يشعل في السبسي للباي. اليوم مصطفى كمال النابلي مكلف في حزب رسكلة التجمع بخطة منسق مع الهيئات الدولية، و سي محمد الناصر "المحايد" ولى نائب رئيس الحزب سيء الذكر، شفته يعني الحياد بصيفة عامة محلاه في نسخته التجمعية البنفسجية القبيحة و الركيكة و الغبية، نزيدوه إنه الغرياني أمين عام حزب الحثالة التجمعية سماه السبسي في خطة مستشار و قلك نظيف الراجل و أنظف من الشعب التونسي بكله.شكون يتخيل بعد هذا
الكل، و ما زالت الفضايح في الثنية و عرك الضبوعة في الحزب ما زال ما بداش على قنطرة صحيحة، شكون يصدق إنه حزب كيف هذا محكوم بعقلية اللصوصة و مافيات السياسة و المال ممكن يأمنه تونسي حر على مستقبل العباد و البلاد. خلاصة القول "لا يصلح العقار ما أفسده الدهر" و الاحزاب و الحساسيات السياسية الكل من أقصى اليمين لأقصى اليسار فيها دواء و ممكن تتعلم من أغلاطها و تكون بديل في الانتخابات الجاية، إلا التجمع، الحزب الفاشي هذا اللي حكم التوانسة بالحديد و النار
و البوليس السياسي مدة 60 عام عمره ما يتصلح، و يلزم يتذكر في التاريخ الوطني على اساس إنه حزب دمر الحياة السياسية و تسبب في تخلف الجهات الداخلية و حصر الحكم و التوزير في شريط الساحل و حفنة البلدية اللي عينيهم زرق أكثر من اللازم و جلودهم transparent. أحكمونا من غير ما تستغفلونا، أحكمونا من غير ما تستحمرونا و عاودوا تفرجوا على فيديو خطاب "فهمتكم" باش تفهمونا قبل ما تلحقوا على هبل متاعكم للسعودية.

يضهرلي فيه بدى يفيق من كميت المعدنوس

حصل له ما حصلة للخالة وابن أختها

وشهد شاهد من اهلها ...
ان شاء الله التلاف والريح الزفزاف

بن حسين يقدم دورات تدريبية في الديمقراطية .تخيل ....