سبر؛الآراء؛في؛تونس؛يشبه؛ياسر؛للتيارسي؛مستحيل؛حصان؛شارف؛يربح؛كورس؟

معناها ياسين عياري ولد ... برشة يفهملها في كل شي !!!

@swigiil et yassine ayari
أولا شكرا لكما على هذه المداخله، وإن كان لي أن أزيد ما يلي، إن العديد ممن يدعون الثقافة والعلم والمعرفه هم مجوعة من لببغاءات تعيد قول ما تسمعه من الغير وتستشهد به وهم كهم إيمان بأنهم على حق و لا يعبرون أبدا عن آرائهم الخاصه و ما يؤمنون إلا بالتبعيه

اللي شد عشرة سنين سجن انفرادي من اجل مبادؤ
واللي قدم استقالتو من الوزارة من اجل مبادؤ
ما تنجموش تشريوه و الا تبيعوه باستفتاء

سوف يصعد حمادي الجبالي في نسب الرضا على أداءه و ووصوله الى سدة الحكم مجددا غي كرسي الرءاسة.
كل ما تبقى هو من اللغو لا غير.

النهضة الغالية التي صوت و سيصوت لها الملايين باذن الله من أبناء شعبنا البطل ستكون الأولى في العلالي كالعادة وأكثر من العادة
رغم مكر الإتحاد والمعارضة والإعلام التافه والمهربين والمحتكرين ووو...
صمدت وتحملت المسؤلية كما يجب.حتي حكومة دافيد كامرون لن تقدر علي التعامل مع هذا "الخنار" التونسي ...
ألف شكر سيد العريض سيد الجبالي سيدة محرزية دكتور منصف بن سالم...
أتمنى أن يرى العالم إنتخابات تونسية مشرفة للوطن و لهذا الشعب الرائع.فلا فوضى ولا 99% ولا تزوير ولا ولا...
كم أنت رائع يا وطني بكل ما فيك.كل يوم أعشقك أكثر...
ربي إجعل هذا البلد آمنا وأرزق أهله من الطيبات .آمين يا ربي.

@swigiill :
شكرا ليك و لياسين العياري يظهرلي بعد الكلام المكتوب حتى واحد ما عادش يحل فموا و يتكلم بالطبيعة نحكي على النا الي تفهم

كتب ياسين العياري:


بالنسبة لقانون تحصين الثورة : هو الجسر نحو المستقبل، بدونه المستقبل لن يكون سواء ماضي سحيق!

منين نعرف؟
ألمانيا بعد الحرب العالمية الثانية : أقصت النازيين
شارل دو قول بعد الحرب العالمية الثانية : أقصى المتعاملين مع فيشي و الألمان
عبرت ألمانيا و فرنسا بر الأمان

رومانيا لعبوها تسامح و حب و بوس : عامان فقط و عادت السيكوريتات

غدوة إش بش تجاوب ولدك ؟

via yassine ayari: page officielle‬

كتب ياسين العياري:

2/2
...

باهي و عياض بن عاشور ؟
كنت نصدق عياض بن عاشور لو سمعتو يحكي على المرسوم 106 الي خرجو الباجي و صحح فيه ليلة الإنتخابات،المرسوم الي يمنع التتبع على جرائم التعذيب متاعو.
لا! كلمة لا! دستور يلغي سقوط جرائم التعذيب يؤسس للدكتاتورية ، أما مرسوم 106 لا!
فكرني بالقرارات الثورية الي خرجت من هيأته، فكرني بموقفو من الرئاسة مدى الحياة متع بورقيبة، من تشليك بن علي للدستور
وإلا الآراء كي الرجلة؟ تحضر و تغيب؟
أنا قريت مآخذاته : سوبجكتيف و قايمة على تؤويله و هو و غير معللة، أقرب منها لموقف سياسي من موقف قانوني! البجبوج م العايلة راهو! و حكاية إلغاء السقوط بالتقادم على حكاية التعذيب ما تساعدش بالكل

هيا قتلو، أخطاني من زيد و عمر، إنت شنوة الي ما عجبكش و خلاك تعمل هالخوضة
سكت، و قلي الي هو ما قراهش جملة و تفصيل!

عملت طلة على بروفيله! هو مشكلته موش مع الدستور، مشكلته مع الي كتبو الدستور! يكرههم! إيه خاطر أحنا نتعاملو بالحب و الكره
على بروفيله نلقاه مبرتاجي أهل السياسة الي يقولو التأسيسي غلطة، و الي يقولو لازم يتحل
في الجاهلية، فما شكون كان يعمل إله من الحلوة، و كيف يجوع ياكلو
الناس هذوما كيف كيف : وععع وعععع الديمقراطية الديمقراطية : كي جاتهم الديمقراطية دارو عليها و يحبو يحلوها و يبطلو منها ! الرب الي صاحو فوق كل المنابر أنهم يعبدون توة يحبو ياكلوه

و بالله كان التأسيسي غلطة! كيفاه كنت تحبو تعملو؟ الباجي يعطي لبن عاشور يكتب دستور؟ كمال اللطيف يكتب دستور؟ زوز و تلاثة أعيان بعد ثورة قامت عليهم يكتبو دستور؟ سفسطة فارغة : لا توجد ثنية أخرى غير المجلس!
زدت شفت بروفيله! كالب هابل على المؤتمر!
تقول المؤتمر هو الي هلك البلاد 50 عام!
زعمة هذا الكل على المؤتمر خاطره متحالف مع النهضة؟
هاو التكتل زادة متحالف مع النهضة، كلمة لا على التكتل!
إستنى إستنى، هاو شد حركة وفاء شبعها سب! حركة وفاء هاي معارضة للنهضة!!
شنية الحكاية؟آههه خاطر التكتل ضد، أما المؤتمر و وفاء مع تحصين الثورة! ولاو إرهابيين و إستئصاليين! إيه الدايمي و العيادي إرهابيين! موش المبزع و السبسي!
بلد عجيبة في عالم غريب!

بالنسبة لرأيي الشخصي في الدستور : مازال يلزمه الكثير من التهذيب، هو دستور عادي، متأخر ب30 عام، لا يرتقي للثورة و المرحلة : هو مقبول عموما و إن كان بالإمكان الأحسن
لو عرض على الإستفتاء سأصوت عليه بلا
بالنسبة لقانون تحصين الثورة : هو الجسر نحو المستقبل، بدونه المستقبل لن يكون سواء ماضي سحيق

كتب ياسين العياري:

1/2
‫ما زلت كي كملت قريت مسودة الدستور للمرة الثانية

حطيت نحكي مع صديق عندو نهارين و هو مشنع الدنيا ع الدستور
قتله شنوة الي موش عاجبك بالظبط؟

شبعني كوبيه كوليه م الفايسبوك
كبشت فيه حبيت نعرف مؤاخذاته هو (أستاذ جامعي)

قلي عجبتك حكاية الماء و إلا شنية؟
فسرتلو إلي في فنلندا الأنترنات حق دستوري و ما ضحكت حد الحكاية
فهمتو الي الفصل هذاكا بش يغير حياة عشرات الآلاف، و إلي كان عنده هو نكتة، عند غيره تقدم كبير و الي تونس ماهيش الأربعة كعبات الي دايرين بيه ! فما ناس تمشي 8كم باش توصل لسبالة! و يا ريت تخلط بقية الحقوق الإقتصادية!

قلك ما ينصصش على الحقوق الكونية للإنسان
عملت طلة على دستور أمريكا، ألمانيا، فرنسا، الجزائر : ما لقيت حتى واحد حاطها هالحكاية! (في التوطئة متع دستور فرنسا إشارة لمبادئ الثورة الفرنسية و إعلان 1789)

قالي لا! و حقوق الإنسان؟
تره أعطيني حق واحد من حقوق الإنسان ما كفلوش الدستور، أعطيني حق واحد قعد في قلبك من الحقوق الكونية ماهوش مضمون

ضرب درجين و بعد قلي : هاو قيس سعيد قال الي الفصل لول اندرا كيفاش و محسوب هاو عندنا عام بلاش دستور، ما هدد حد إسلام الدولة
سي قيس على عيني و راسي، أما على حساب هكة، هاو عندنا عام بلاش دستور، و عايشين، عاد لواه نعملو في دستور أصلا؟ توة هذا كلام؟ كان قريتها على الفايسبوك ثبت، صعيب يطلع قالها

قلي : باهي هاي أم زياد قالت داخت كي قرات الأسطرة الأولى متع الدستور!
سم الله سم الله سم الله! ما داختش كي قرات تقرير المنظمة الدولية لحقوق الإنسان الي أدانت حكومة السبسي بالتعذيب الممنهج! و قتها قلبها كاسح! تاكل في الفيتامين! و قتها كيفاه إتدوخ؟ راجلها وزير في حكومة الباجي، تسعة شهر صمت مطبق، ولات عندها الدوخة مسكينة من 23 أكتوبر! توة ناخو رايها كي تفيق م الدوخة و تعدي الأسطرة لولانين و تعطي نقد واضح موش ريق جاتني الدوخة و طاحلي راجلي معادش وزير

باهي و سمير بالطيب؟ راجله كان وزير زادة؟
سمير بالطيب متع المعارضة الكرطونية؟ متع ترشيح بن على في 99، إيه 99 موش 89، متع مساندة بن علي حتى 2001؟ أخطاني يا راجل! عاد إنكمل نشوف راي بن علي خير!

باهي هاو العباسي قال مرفوض!
سامحني أما العباسي يعرف يفك الخط أصلا؟ يعرف يقرى؟ تعرف مستواه شنوة ماهو؟

يتبع ...