خميس ولا يتهز و يتنفض...عارف الي اذا كان يمشي عليه عرفو كمال لطيف ما عادش يلقا حق سكرة

يظهرلي إلي الجماعة إلي إنشقوا مالعريضة طلعتلهم لحكاية قرعة بعد إلي ولي رزقهم الجديد باش يتكرفط ويعدي عويماتو بحذا أوخيانو

أوّل نتائج اللعبة الإستراتيجيّة التي تتبعها النهضة و الترويكا الآن ضد أعداء الثورة و التي إبتدأت بالكشف الإعلامي لأمير الظلام كمال اللطيف، فهو بالنور سيحترق، و سيتبيّن الرئيس الفعلي لنداء تونس و ليس كما يظن الشعب أي الباجي قايد السبسي، فعمليّة الفضح و الإخراج إلى النور لهذا الداهية إنما هي أفضل طريق لتحييده و لسحله سياسيا، و الأكيد أن هذا الثعلب اللطيّف ليس في مستوى النور و المقارعات السياسية، فإن كان هو رمز من رموز السياسية في تونس كما قال
بيادقه كسيلة و الشابي و جميع المعارضة المتواطأة فاليخرج إل النور و اليبسط أفكاره إن كانت بهذه القوّة، و لكن هو أتفه من أن يفعل ذلك لإنه رجل الظلام و الدسائس و لا يستطيع العيش في النور و الحرية

بصراحة أنا باهت في التسطيكة متاع جماعة نداء تونس كيفاش واحد متخلّف كيما خميّس كسيلة مسيّبينو يحكي هكّا و يفضح فيهم، ياخي ولّاوو بلاش مخ؟؟؟؟؟ ولّيتشي ننصح فيهم جماعة "الكماليين" "البجابيج" ؟؟؟ معا لنسمي البجابيج بال"كماليّين"

معناها يا جماعة خميس قسيلة قاللكم اللي كمال اللطيف هو رئيس اللجنة المستقلة للانتخابات في بلاصة كمال الجندوبي

بقطع النظر عن مآل القضية فقد أخرجت للضوء ما كان يسمّى بحكومة الظل في عهد البجبوج. إنها عملية "معلّم" و الكل يعلم أنها من حياكة لطفي زينون. و بالرجوع إلى تصريح هذا التافه قسيلة , أستغرب صراحة ما دخا الإنتخابات في استدعاء مواطن للمثول أمام القاضي. أظنّ أن هذا الحرباء المتلون (من التكتل غلى نداء التجمع( قد فقد أعصابه كما فقد فرصة حكمة الصمت

الرجال أسود وكلاب
الأسد أسد ولو كان من خشب
والكلب كلب ولو كان من ذهب
ولزئير أسد حين مماته . خير من عويل كلب طول حياته

الرجال أسود وكلاب
الأسد أسد ولو كان من خشب
والكلب كلب ولو كان من ذهب
ولزهير أسد حين مماته . خير من عويل كلب طول حياته

@mehdi12
عن أي قضاء تتحدث و عن أي سلطة قضائية مستقلة تحكي...!!!أخ اللوطي الذي خرج من السجن بتدخل من أخيه بنفسه لم يترك للقضاء أي استقلالية...واحد فرض وواحد سنة...شفيق جراية أصبح نظيفا لأنه دخل بيت الطاعة للتجمع النهضاوي أما الشرفاء من رجال الأعمال فلا تنفك النهضة و توابعها تسبب لهم المتاعب...

قلي مالذي حرقَ لك شعيرك يا راجل المصروف متاع البلع بش يتقص

كلامك يا هذا في النافخات زمرا

? من كلامك يظهر أن صديقك اللطيف هو الذي يمول نداء الشيطان
هاك حصلت في المنداف

جاء الوقت لكي تحلّ حكومة الظلّ

البركة فيك يا خميس يا خوي...هذيكا الدنيا...موش مشكل الجراية مناع التاسيسي تكفيك...قلبي راو هاكا عليك...اصبر لعل يطلع برئ وترجعلك المنحة...ما تبكيش...انا فاهمك

يظهرلي وقيت باش نحكيو بطريقة غير متشنجة و واضحة و مباشرة و من غير عقد و حساسيات على كمال اللطيف، شكونو و إش يسوى سياسيا اليوم.

هو ستاتو فايسبوك موش مقال بش نحاول إنلخص و نبدا من 2011 موش من 1986.

جانفي 2011 بن علي في مأزق يعاود يتصل بمهندس 7 نوفمبر كمال اللطيف لحاجتين : باش يدبر عليه كيفاه يعمل و باش يستغل علاقة كمال مع المعارضة (إيه نعم بعد ما بن علي غضب على كمال اللطيف، كمال حل الباب للمعارضة و حللهم باب السفارات و خاصة الأمريكية الي كانت عندو علاقات قوية معاهم بما أنه كان الحاكم الفعلي لتونس من 87 حتى 91)

كمال عاونو و الي يثبت اليوم في أغلب من ساندو بن علي نهار 13 جانفي هوما الي باش يدافعو على كمال اليوم..

تخبط بن علي و تعويله على كمال في جانفي 2011 خلاتو يرجع الريزو متاعو، خاطر كمال ما يخدمش بالفلوس، يخدم بالريزو
كي وقع منع بن علي من الرجوع من السعودية، أول واحد يعلمه وزير الدفاع هو.. كمال اللطيف

قبل حكومة السبسي كان النجاح الأكبر لكمال اللطيف هو تعيين قريبه كمال النابلي على رأس البنك المركزي نهار 17 جانفي

حالة التخبط الي عرفتها البلاد حتى لمارس خلاتو يعاود يقوي الشبكة متاعو، سقوط الغنوشي كان بداية العصر الذهبي الثاني (بعد 87-91) لكمال اللطيف، كيفاش؟

الباجي قايد السبسي صديق مقرب جدا لكمال اللطيف من قبل ما يسقط بن علي، فرضه كمال بحاجتين : التاليفونات و الديبلوماسية (مع الأمريكان، الفرنسيس، قيادة الجيش، معارضة بن علي..) و بإمتلاكه مفتاح البلاد : البنك المركزي عبر كمال النابلي و الأمن عبر بعض رجالاته و أصحابه (نبيل عبيد، توفيق الديماسي،ياسين التايب..) و جاء الباجي قايد السبسي

ما سئل فيكم حد روحو منين خرج الباجي و علاش جاتو ساهلة ما إحتج عليه حد لا من الخارج لا من الداخل لا من أحزاب معارضة بن علي؟

من وقتها حتى 23 أكتوبر الي يحكم في تونس هو اللطيف و الباجي ماهو كان تصويرة

الي عين الصيد و العكرمي اللطيف موش الباجي بعد زيارة ودية لمكتب سكرة

حكاية الراجحي ظهرت طريقة عمل اللطيف : يستدعاك لبيروه و يعرض عليك حكاية ساهلة : أدخل في الريزو متاعي، ولي صاحبي، أسمع نصائحي و بقية الريزو كامل (رجال سياسة و مجتمع مدني و إعلام و أمنيين و كوادر في الوزارات و مال و أعمال و الباجي بيدو) على ذمتك و هاك من نهارة الي تقبل وليت إنسان مهم في البلاد

بالنسبة للمال و الأعمال كيفاه دخلو لبيت الطاعة؟
بعد الثورة رجال الأعمال الكل خافت و مشات تجري للطيف عارضة الطاعة لعدم المحاسبة، و الي لعبها قوي كان عقابو الحبس (الصيد و القروي الشابي يتلهاو بيه، عمركم ما تسائلتو علاش من رجال الأعمال الكل كان القبي في الحبس و بالنسبة للأخرين إختفات الوثائق و الأدلة؟)

و قعد كمال اللطيف يتحكم في الريزو : ياخو من فلوس رجال الأعمال الي حاميهم باش يعطي لرجال السياسة متاعو و للنقابات لضمان الولاء
نعطي زوز أمثلة : إجتماع الديمقراطي التقدمي في صفاقس قبل الإنتخابات (3 أيام في الستاد) تكلف 277 ألف دينار دفعهم الكل شفيق جراية، الي كان الممول الأكبر زادة لنقابات الأمن

تفكرو أناهي الأحزاب الي نظمت مسيرات تساند في حكومة الباجي و سيب الحكومة تخدم على روحها و أربطو الخيوط وحدكم

مع إقتراب 23 أكتوبر فهم اللطيف الي الطرح ينجم يتقلب فدفع الباجي لجملة من المراسيم (أبرزها مرسوم أولاد المبروك الي حماهم من المصادرة) و حملة كبيرة من الترقيات و التعيينات في مختلف الوزارات (1200 تعيين/ ترقية)

بعد الإنتخابات إستغل الأوراق الي في يده (إعلام، ساسة، كوادر، مال و أعمال، البنك المركزي) للحفاظ على النابلي و الصيد و نبيل عبيد و الزبيدي مستغل سذاجة النهضة و نقص خبرتها السياسية و بعض اللوبيات داخل الترويكا بيدها (خميس قسيلة مثلا)

لكن بما أنه رأس المال جبان، برشة من رجال المال هربو للنهضة و من أبرزهم شفيق جراية إلي أعلن عليه حرب إعلامية ضروس إنتقاما لإستغلال اللطيف ليه طول فترة حكم الباجي

كمال اللطيف يحب يرجع للحكم، و ربط الي صار من 23 أكتوبر لتوة بالمعطيات هاذي يفسر برشة حاجات (الضجة على إقالة النابلي، عدم تعاون الكثير من الكوادر مع وزراء الترويكا، الأمن السلبي و النقابات الي تتصادم مع العريض، الإعلام الغير محايد، الركود الإقتصادي، قطع الماء، دخول أحزاب معارضة تحت الباجي..)

النهضة بدات تفهم الحكاية : تبديل مركز توفيق الديماسي، تعيين أولادها في الأماكن الحساسة، إقالة نبيل عبيد، إقالة النابلي و التحضير لإقالة الزبيدي و رشيد عمار

وقتها اللطيف فهم الي اللعبة السياسية ماشية و تتقلب موش في صالحو و عاود خرج الكارطة متع الباجي و تعملت عيطة نداء تونس و ولات المواجهة علنية موش في التراكن و الي كانو زعمة محايدين و إعلاميين و مفكرين و ساسة و كوادر و محللين سياسيين و حقوقيين يحشمو باش يقولو جهرا الي هوما بيادق اللطيف خاصة بعد تصريح الراجحي(سر وهمي الناس الي على الساحة الكل تعرفهم، كان المواطن البسيط ما في بالوش) هانو ينجمو يدخلو في حزب الباجي

باهي و القضية متع اليوم ؟

نتصور القضية هي مقامرة سياسية جريئة و ذكية من النهضة لجس النبض، لإحراج بيادق اللطيف قدام الرأي العام خاطر بش يضطرو يجيبوه في إذاعاتهم و يدافعو عليه و تبين قداش يوزن داخليا و خارجيا و توجيه رسالة قوية سياسيا إلي راهي الترويكا معادش بش تقعد تقبل في اللعب و راهي تنجم تتحول للهجوم

ما نتصورش الي القضية بش توصل اللطيف للحبس بقدر ماهي بش تكشف شكونهم جماعة اللطيف و تخرجو من الظل للكياس و الرأي العام و تمكن من معرفة وزنو الحقيقي من غير عبيد و الديماسي و النابلي و تخلخل الناس الي متخبية وراه في بالها باش يحميها

نعرف الي ستاتو طويل و كان ينجم يكون أطول و الي بالنسبة للناشطين على الساحة السياسية ما جبت شيء جديد و كلام هذا موش بش يعجبهم، الكلام هذا الناس تعرفو أما ما يتقالش، لكني نتوجه بيه للمواطن العادي وقيت باش نفهمو الناس الكل كيفاه تتعمل السياسة في بلادنا : في بيرو في سكرة.

ما نعرفش شنية المثل إلي يمشي معاه المجراب تهمزو مرافقو ولا الجمل هاز الحمل والقراد ينين؟

صحيت يا خالة العروسة vraiment la main dans le sac

علاه سيادتو الراعي الرسمي لبعض الحملات الإنتخابية

خبر غير مؤكد : الباجي ضمن قائمة المحجر عليهم السفر

عملا بمثل قص الراس تيبس لعروق انتظرو ما سيحدث فقط بمحاكمة المجرم باللطيف و سترون كيف يتساقط توابعه واحدا تلوى الآخر و الخامج كسيلة سيئ الخلق و الأخلاق أولهم....

سوف يعود كمال اللطيف الى البيت فرحا مسرورا نظيفا من كل الشوائب مثل نظيره جراد

الإحتجاج من قبل نوّاب المعارضة التجمعية بامتياز على قرار قضائي يقضي بتحجير السفر على كمال اللطيّف و إرجاع ذلك إلى الحكومة هؤلاء من ينادون ليل نهار بإستقلال السلطة القضائية و لكنّهم يتدخّلون فيها
كمال اللطيف أصبح من الرجالات الوطنية و الغريب أن يقوم خميّس قسيلة بالتهديد و يقول هذا سيعكّر الأجواء
على المحامين و رجال القانون أن يتصدّوا لمثل هذه التجاوزات اللاخلاقية للنواب و تدخلهم السافر في الشأن القضائي