هناك كتاب سيصدر في باريس على ما أعتقد يتحدث عن فساد الوليد بن طلال... يتناول الكثير من الجوانب المخفية ويعري العديد من الحقائق

ياخي شبيهم على أطول برج وأطول بنية. عندهم عقدة متاع طول ؟

قالك هذا وليد بن طلال نهار اللي كمل قرايتو في أمريكا دبرولو خدمة في بانكة في أمريكا زاده اللي هي بوه أكسيونار فيها ياخي معجبوش الجو يمشي ويجي بالوقت والأمريكان ميفهموا شيئ ناس جديين أيا أعطاه بوه 60 ألف$ باش يديماري بيهم حياتو وبدا الميزاب متاع بوه يصب عليه ويقول اللي هو ناجح و يؤسس في شركات جديدة في بريطانيا و امريكا على خاطر الأمريكان و ألأنقليز لا عندهم أفكار ولا عندهم فلوس وكيف مشالهم هو أكتشف اللي هوما أغبياء برشة وبالتالي بدا يستثمر ومنهم
لمد ثروة. وأنا شخصيا لا أعتبر الإنسان ناجح ولو جزئيا مالم يكن معتمدا على ذاته، مالم يمر بأزمات مالم يسقط وينهض مالم يكن مسؤولا أما النجاح الوهمي وهو نجاح وليد بن طلال فصاحبه يعرف جيدا بينه وبين نفسه أنه فاشل وفارغ ولن يستطيع القيام بشيئ ذو قيمه لذلك تراه يبحث عن جلب أنظار الناس والصحافة بأشياء يكون الفيصل الوحيد فيها هو المال و للأسف ذلك ما يملك منه الكثير

اللي عندو الكعب يلعب كيما يحب

1) ضمن أفضل 500 جامعة في العالم لا توجد أية جامعية من بلد عربي ، بينما من الجامعات الإسرائيلية ما سجلت حضورها ضمن الــ 500 جامعة الأفضل في العالم .
2) برج دبي و هو أعلى برج في العالم جزء كبير منه في طوابقه العليا لا يمكن استخدامه.
النتيجة: يبحث العرب عن السبق و الأفضلية في أشياء تافهة جدا لا تفيد من قريب و لا من بعيد ، فقط هم يبحثون عن " البريستيج " الفارغ الكذاب ... هم يقتلون أموالهم في مشاريع ميتة لا مردودية لها اقتصادية و لا اجتماعية و لا ثقافية و لا تسهم في التنمية .... و لذلك مهما تطاول العرب في البنيان ـ و التطاول في البنيان يدل أيضا على الإفلاس الفكري و القيمي ـ سيظلون في مرتبة دنيا سفلى لا أحد يحترمهم و يبحثون عن الأرقام القياسية في التفاهة و سوء التصرف في الثروات
التي حباهم بها الله عز وجل .

إنه التطاول (التنافس) في البنيان وهو علامة من علامات قيام الساعة

التطاول في البنيان علامة ظاهرة من علامات اقتراب الساعة ذ
في حديث لرسول الله صلى الله عليه وسلم لما جاءه سيدنا جبريل جاء في الحوار بينهما:
قال فأخبرني عن الساعة ؟ قال " ما المسئول عنها بأعلم من السائل " قال فأخبرني عن أمارتها قال " أن تلد الأمة ربتها وأن ترى الحفاة العراة العالة رعاء الشاء يتطاولون في البنيان "

@ مريم
يعطيك الصحة قلت كل شي
هذاكا الفلوس هبلتو وغاضو كيفاش الايماراتيين يعملو برج خليفة
الحكاية ضرب عناد واستضهار عضلات
كان الفلوس حاربو بيهم الصهاينة وقضاو على الفقر في الامة العربية كان خيرلهم

عندو الحق، العالم العربي و الإسلامي تقدّم في كل شي و صنع كل شي و ما عاد ناقصو شي،
العايلات الكل شبعانين وعندهم ديار ملكهم و كراهب، والشباب الكل يخدم، و العزاب الكل عرسو، و الجبوش العربية تمتلك أقوى الأسلحة العسكرية و أكثرها تطورا..
آش بقى؟ مادام تهنينا على هذا الكل، ما فيها باس كي نتعدو لحاجات ثانوية و ترفيهية..
الحاصل كيما يقولو :
اللي عندو مليم محيرو، يشري بيه حمام و يطيرو