قالّك غدوة الذّكرى الخامسة للثّورة. أش قلت؟ ثورة؟ وإلّا ثروة؟ ثورة شكون على شكون ؟ و ثورة شنوّة على شنوّة ؟هههههههه آآآآآآآه تقصدو في المبزّع مشعل فتيل الثّورة و الباجي رئيس الثّورة، والسّرياطي قائد الثّورة ,و شيبوب مموّل الثّورة ،و بطّيخ المرشد الأعلى للثّورة و برهان بسيّس النّاطق الرّسمي للثّورة إلّي وقفوا سد منيع ضد أعداء الثّورة رضا الجوادي, راشد الخياري ، عماد دغيج ، ريكوبا و عبد الفتّاح سعيّد.و يعطيهم الصحّة في الإنجازات متاعهم: الرّشوة
نقصت ، التكركير في الإدارات تنحّى، سرقة الأموال العامّة تنحّات، الظّلم تنحّى، البوليسّة ولّاو في خدمة المواطن و ولّاو يدرجحو بيه، الأكواخ تنحّات، الفقر تنحّى، الشّعب في بحبوحة وياكل كل يوم لحم العلّوش موش لحم البهيم ، الصغيرات ولّاو ما عادش يمشيو 7 كلم باش يقراو، الشوماج طاح ل 7% كيما في الغرب, لمرا ما عادش تموت عالنفاس ،الجنوب و المناطق الدّاخليّة ما عادش عندها نقص في طبّة الإختصاص، الباغاج ما عادش يتسرق في المطارات,القيم الأخلاقيّة رجعوا و
الفساد و الإنحراف الأخلاقي تنحّاو، عائدات الثّروات الطّبيعيّة رجعلتلنا و ولّات تتوزّع على كل الشّعب, فرنسا و أمريكا ،من غير ما نحكيو على الدويلات الصغار كيما الإمارات، ما عادش يدخلو في سياساتنا الدّاخليّة، القيم الأخلاقيّة رجعوا و الفساد و الإنحراف الأخلاقي تنحّاو، إلخ.