يخي هالكاراكوز ما عندوش خدمة أخرى بخلاف يتلهى بجماعة فرانسا ..؟؟ في الحقيقة هوما يجيو يتفقدو العزبة متاعهم و يعطيو الاوامر للخماسة متاعهم ...

هل أتاك حديث الرئيس الألماني؟
بالرجولية الرئيس الألماني غلب عليهم... ندمو على النهار الي استدعاوه فيه... جابوه يحكيولو على الاستثمار ومقاومة الإرهاب... طاح يحكيلهم على الاستثمار ومقاومة الفساد... جابهالهم ملآخر... قاللهم بالفلاقي تحبو تدفق الاستثمار الألماني قاومو الفساد والبيروقراطية وفعلو الشفافية واللامركزية والديمقراطية المحلية وبقية المبادئ الي في دستوركم... ما تخليوهاش حبر على ورق... وقبل ما يروح عمل طلة على هيئة العدالة الانتقالية متع سهام بن سدرين الي ما زارها حتى
مسؤول تونسي ولا أجنبي غيرو... ياولدي الألماني ألماني... في الكرة... في السياسة... ولا في المال والأعمال... والله الاستعمار استعمار... أما كان خيرونا رانا اخترنا الألمان على الفرنسيس... على الأقل راهم خلاو أيتام ألمانيا... أبرك من أيتام فرنسا...