ثق بنفسك وإنهظ إن كنت غالبها***فلا يضرّنّك قول واش مرتاب
لا تخدعنّك المظاهر في مواكبها***فالحقيقة أوّل ضحية للإرهاب
د ك ل أصيل الأرخبيل

السياحة السياحة السياحة، ...

حتى احنا قعدنا كان فرجة، ... سيبنا الاقتصاد و الفلاحة و الاستثمارات و الطاقة و شدينا كان في السياحة، ...

بيها نعيشوا و بلا بيها نموتوا، بلدان مواطنيها لاباس عليهم بشهرية وحدة يقعد يحوس في تونس شهر كامل

و التوانسة قعدوا كان ينبروا و يضحكوا و يتمسخروا على بعضهم، ...

هذا لايكي و كافر و هذا اسلامي متشدد حتى ولينا نقتلوا في بعضنا و كل واحد يقول البلاد ليا وحدي، ...

و الي يجمعنا نرميوه ورانا و ما نتلفتولوش، ...

حتى لوين طمعوا فينا الي يسوى و الي ما يسواش و اصبحت البلاد تباع في مزاد "البنك العالمي"

اسفي على بلادي كبير، ...

قنديل باب منارة يضوي كان على البراني

العاقبة لاخر جريح منجرحى " الثورة"، ... و الا هاذم انسيناهم، ...

و الا بالك على خاطر من لحمنا و دمنا و نهار من النهارات ثاروا باش يخرجونا من الهم الي كنا فيه، ...

تقضات بيهم المصلحة و توة نطيشوهم، ... موش هكة؟

محلاها تونس...وخزي للارهابين