ردّ على قصيدة أنا البايدة بنت النظام البايد التي ألقتها قيادية بحزب المبادرة
بقلم : الناصر الرقيق
- يا بايدة -
...........
يا بايدة أسمعيني نقلّك
فكّي عليك من خصامنا راهو يذلّك
نسيت باباك كيف إنْطَرَدْ
و هوّانا في صحاري العرب مِتْشلّكْ
مِتْشلّكْ و مالا ڤيمة
نوّحي بالصوت و خلّي تندب عليه حليمه
ضاع و ضاعت ليلى معاه
بعد ما كان ينڤاد زيّ البغل بِشْكِيمَة
.............
بِشْكِيمَة الثورة إِنْقودوا لِمْخَيّرْ فيكم
و إنْزِيدُوا نعفسوا على مِنْ حاميكم
يا سراق يا أولاد الكلب
نسيتوا كيف الوطن ضاع بِمْخَازِيكم
...............
بِمْخَازي الذلّ و العار تاريخكم حافل
و خلّيتوا كلّ حرّ من هالوطن جافل
يا حليلكم نهار إلّي يفيق الشعب
و يِعَلّڤكم في الساحات سافل ورا سافل
...........
السافل سافل مهما إِدّيرْ معاه
و كلّ واحد لازم ينول شيء من باباه
حاولي تجيبيه يا بايدة من منفاه
و خساره كلامي و كان جِبْتِ بَغْلِكْ
راني عرفت كيف نْسَڤّيله عَشَاهْ
.........
عَشَاهْ نْطَيّبَ بالسمّ الهاري
و نِسْرِي بيكم سريان نهر جاري
لَڤْرَبْ سوق تتباع فيه الكلاب
ثماش ما أنْرَتّحْ الوطن و نَلْڤَالْكُمْ شاري
..........
سَيّبُوا الوطن خلّي رجاله تبنيه طوبة طوبة
و ڤَبْلْ الباب لازم نديروا كُوبَهْ
و نحلف لو كان ترجعوا أسياد
لَنْحِي السروال و نلبس رُوبَهْ
25°
16°
Om Kalthoum - طظٹط±طھ ظ‚ظ„ط¨ظٹ ظ…ط¹ط§ظƒ
( 407 sont أ l'أ©coute de Radio Babnet)
Comments
13 de 13 commentaires pour l'article 82179