التوانسة يحسّوا بنقص إدمان على أنشطة الرئيس
بقلم منجي باكير
يــــــا حسرة قدّاش واكبنا مسلسل توجيهات الرئيس زمان بورقيبة ، و قدّاش سمعنا الرجل الأوحد و المجاهد الأكبر و بطل الجهادين و صانع اسطورة الإستقلال ،،،، و من بعد جاء زمان التحوّل و غيّر ( البنادريّة ) متاع الأخبار و التعليقات و برامج التلفزة الشخصيّة و زادوا في النّفخان ، رجل الرّهانات ، و صانع التغيير ، و كيف يلبس جبّة يولّي حامى الحمى و الدين ، ( هههه و هو حامي ليلى دجين ) و ما تسمع كان بإذن منه و بهدْي منه و بتوجيهات سيادته و و تحت سامي إشرافه و بعنايته الموصولة ،،، و هات من هاك اللاّوي ( المصيبة أن ها الجماعة قريب يقنعونا توّا اللي هم من قام بالثورة !! ملاّ وقاحة )
يــــــا حسرة قدّاش واكبنا مسلسل توجيهات الرئيس زمان بورقيبة ، و قدّاش سمعنا الرجل الأوحد و المجاهد الأكبر و بطل الجهادين و صانع اسطورة الإستقلال ،،،، و من بعد جاء زمان التحوّل و غيّر ( البنادريّة ) متاع الأخبار و التعليقات و برامج التلفزة الشخصيّة و زادوا في النّفخان ، رجل الرّهانات ، و صانع التغيير ، و كيف يلبس جبّة يولّي حامى الحمى و الدين ، ( هههه و هو حامي ليلى دجين ) و ما تسمع كان بإذن منه و بهدْي منه و بتوجيهات سيادته و و تحت سامي إشرافه و بعنايته الموصولة ،،، و هات من هاك اللاّوي ( المصيبة أن ها الجماعة قريب يقنعونا توّا اللي هم من قام بالثورة !! ملاّ وقاحة )
آش وعشرين سنة ( نقصد قرن ) و الرّاجل ما يرقدش النوم ، هو يخمّم على التوانسة و يدبّر على التوانسة و ثمّاش حاجة تقع في تونس إلاّ وهوّ على بالو بيها حتى في أفلام الخيال العلمي ما تلقاهاش) ) .
برّا يا زمان و إيجا يا زمان جاءنا سي المنصف المرزوقي ، الرجل الحقوقي و المؤمن بكثير من القيم ( الحقّ أكثرها تتعارض مع نواميس السياسة و الرئاسة ، هكّة تعلمنا كان صحيح و إلاّ غالط ) ومن وقتها ما عادش نشوفوا صورة الرئيس لا في التلفزة و لا في الإدارات و لا في الشوارع .و من وقتها و التوانسة يعيشوا نقص إدمان manque على أنشطة الرئيس ، كيفاش بين عشيّة وضحاها نولّوا من غير آشكون يخمّم علينا و ينوب علينا و يشملنا برعايته ؟ موش نورمان ..لازم السيّد الرئيس تظهر تصاوره في كل مكان و لازم ( البنادرية ) يلهجوا بإسمه و ينظّمو ا القصائد العصماء و الخطب الرنانة في حق سيادته ،،،،باش نرجعوا نورمال و يتنحّى ال.manque
29°
17°
Mounira Hamdi - ط؛ط±ظ‘ظٹطھ ط¨ظٹط§
( 122 sont أ l'أ©coute de Radio Babnet)
Comments
14 de 14 commentaires pour l'article 53905