المحاسبة متع القناصة توة موش وقتو... مع كل احترامي للشهداء رحمهم الله... المحاسبة تكون بعد ما يصبح للبلاد رئيسا منتخبا و حكومة منتخبة و هي التي تكون وقتها مطالبة بالمحاسبة... لان الحكومة المؤقتة لا تريد فتح ملفا يقاضيها هي نفسها... و هذا موش وقتو... و التراخي و تطفية الضو على هذا الملف دليل قاطع لوجود اشخاص موجودين في الداخلية مورطين في هذه القضية... و الدم ما يمشيش هباء حتى كان ما تحاسبش في الدنيا بإذن الله ما عندو وين يهرب

@momo71

لا لا يا خويا خاطيني امشي شوف المقالات في بابنات متاع امس
تو تشوف رايي في تأخير الانتخابات قلت خوذوا راحتكم
الفايدة في الاستقرار والاموى تمشي على قاعدة
وكان ياخويا تتقلق من جبدان القناصة كيما الحكومة
هانا سكتنا ..ما دام انت ما عندكش
واحد مات في الاحداث
...
توا وليت نبث في الفتنة
اذا تكلمت على الحق
يا خويا هاني باش نسكت باش ما تقولوليش فتان
ونكره تونس وما نحبش الاستقرار لبلادي
يا سيدي هانا سكت ..و اللي ماتوا واهاليهم يتولاهم ربي
...على رايك هاني باش نستنى التحقيقات
وراهو كلامي اللي قلتوا ماهوش من فراغ
هاني باش نسكت يا اخواني ويا ولاد بلادي ما دمتم تشوفوا في فتان ونحب الفتنة ...

بالنسبة لهؤلاء المراهقين الذين احرقوا المدرسة المذكورة يمكن القول أن بن علي تحصل على العديد من الأوسمة من منظمة حقوق الانسان لدعمه لحقوق الطفل و المرأة و الآن بعد الثورة أصبح المنهج الذي يدعمه بن علي و زوجته واضحا وهو تهميش وتشتيت الأسر و تشجيع الفساد الاجتماعي بعدم تجريم بيع و تناول المخدرات مثلا و هذا كله موجود في مجلة حقوق الطفل و المرأة و ما تحتويانه على أسلحة دمار شامل للمجتمع التونسي و لذلك يجب أن تتغير كل الاحكام و تكون عادلة و رادعة و
ناجعة في نفس الوقت
لا يمكن مسامحة هؤلاء المراهقين بسهولة ليكونوا عبرة لمن يعتبر ...

@riadh
يا سى رياض يهديك ربى الى تقول فيه راهو موش معقول، سى الباجى عاود قال البارح الى الحكومة ما عندها حتى دخل فى خدمة اللجان منها لجنة التحقيق فى التجاوزات والى قالت الى راهو القناصة الى وقع القبض عليهم موجودين فى الحبوسات و القضاة يحققو معاهم وما فماش قناصة أخرين، وفما توا برشة مديرين و أعوان من وزارة الداخلية موقوفين وبرا قول للقضاة شبيكم لتوا ما كملتوش التحقيق،انتى قاعد تبث فى الفتنة و الريبة عند العباد بكلامك وهدا ما يعاونش البلاد، لو كانك ما كش
راضى على تأخير الانتخابات قولها وماتبداش تصطاد فى الماء العكر، تى أهوك النهضة وافقت على التأخير و طاح الكف على ضلو، يزينا توا من المزايدات،

ظاهرة العنف عند المراهقين و غير المراهقين ظاهرة تفشت في أيامنا هذه لعدة أسباب منها :
- الآباء ليس لديهم الوقت الكافي للاهتمام بأبنائهم
- الطفل منذ الشهور الاولى يقضي معظم الوقت في محضنة للأطفال بينما حضن أمه أولى به
- عند بلوغ السن السابعة إن لم يتمكن الابوان من تربيته(من السنة الاولى إلى السابعة يعني) على طاعتهما فلن يكون مطيعا في السنوات الموالية
- الطفل سيتعلم في المحضنة و الروضة الكثير من السلوكيات التي لا الاب و لا الام يمنعانه منها في البيت حتى و ان كان بالتعنيف
-عمل الأم يجعل الأسرة مشتتة ... الأم تبدأ العمل قبل دخول الابن للمدرسة و تعود الى المنزل بعد رجوعه من المدرسة و بهذا يمكن للولد ان لا يدخل المدرسة أصلا بل يقضي وقته خارجا ليتعلم كل أنواع المفسدات خارج البيت و المدرسة
- غلاء المعيشة و ارتفاع الاسعار يجبر الام على العمل لمساندة الاب لتحمل اعباء مصاريف العائلة و منها المحضنة و الروضة و الساعات الاضافية و اللمجة و مصاريف تنقلها الى مكان العمل (مجموع كل هذه المصاريف تساوي تقريبا راتب الزوجة)
هذه أسباب يمكن للعديد من الاسر اجتنابها باتباع حل وحيد وهو ان الام مكانها البيت... فلتعمل قبل زواجها كما شاءت و لكن عند و جود الابناء يجب على الام تقرير مصيرهم (في سلوكهم) ان كانت ستعمل فان الابوان سيتحملان مسؤولية كل عمل و سلوك يضر بالعائلة و المجتمع
هذا رأيي الشخصي... و اللي يشتها شهوة يعملها في عشاه

ننتظر الكشف عن قاتلي الناس
والذين يسمون بالقناصة
مش اولى؟

جرائم القتل موش اهم و لا مادام الداخلية مورطة فيها

ميسالش انطفوا الضو ؟