ربى عذر اقبح منذنب

و هلكت تونس جراء الأخذ بالخاطر...لصاحب جاه أو سلطة ...أو خواجة جاي ينهب و يستعمر
اقعدوا خوذوا بالخاطر.....والبلاد في هاوية

اعملوا قيمة لرواحكم. شنوّة خمسة وزرة ماشين يدشنوا في قهوة ؟ مصيبة

اول الغيث قهوة ايها الشعب الابله

"ماخذة في الخاطر" !!!
و قيل هذا السيد مهبول ، الله يحبس علينا عقولنا .

حتى الرشوة والمحسوبية ... ماخذة خاطر. إنت عبيط ولا بتستعبط !

وقع تسجيلها بصفة ألية في البطاقة عدد3 الموجودة في اعماق الذاكرة المواطنية

فبحيث وبلغة المرحوم العروي : السماح في بحيرة حمزة

مستويات ...قهوة ماذا أيها النائب البلاد باركة وهما يهنيوا في بعضهم

لو الشعب يسترجل تو بعد رمضان ياخذلكم بخاطركم بالحق

صديقك تمشيلو في زيارة خاصة موش 5 وزرا ماشين وعاملين دعاية لصاحبهم بتاع نداء التجمع إلي حتى واحد ما عارف هالفلوس إلي هبطت عليه فجأة منين وإن كان ظاهر فيها تفتوفة من بتاع الامارات الصهيونية حب يبيضها في مشروع لوكس ليكس في البحيرة مدعوما من شلة الفساد والانتهازيين وعلى رأس شوكات أشهر من جلس في أحضان الجميع من السياسيين: كانت بدايته مع الغنوشي ومر بالحامدي وأخيرا في حجر الباجي
حاشتك بصاحبك ضيفوا في دارك موش باسم الحكومة بتاع التوانسة والحكومة ماهيش سانية وارثها على بوك باش باسمها تجامل صحابك
كلامك با انتهازي من مظاهر الفساد كان ما فيبالكش وظاهر أنو الرخصة زادا ماخذا في الخاطر

أكتبوا في إنجازاتكم و في سيرتكم الذاتية أنكم تقاضيتم أجرا( وظيفيا (اللي تحت الطاولة لا نأخذه بعين الاعتبار)) لتدشنوا مقهى
الغلاق و خوه ذهبوا للمقهى لأن كل واحد يجد نصيبه
المقهى منبع للتربية
المقهى مكان صحي
المقهى مكان الصفقات المالية
المقهى مكان يروج للجدية في العمل و يجلب السياح
المقهى مكان حفظ القوالب و ضربان اللغة

يا ولدي السماح دنيا و آخرة، أصلا ما غالط كان إللي ياخذ عليكم.

نقص مالترهدين وضربان اللغة ياشوكات اي غلطوا علخاطر موقعكم يحتم عليكم باش تغضبوا للفقير موش تفرحوا للغني

توة بالله هذا منطق متاع واحد مسؤول في الدولة و نطاق باسم الحكومة
قالو مأخذة في الخاطر و صديقنا و ينتمي للحزب
مالا فاش كنا ن ر ه ز و أ من 2011
و شنوة هو إلي برك الدولة كان ومش محاباة الأغنياء و الجري وراء شهواتهم

اعتذاره جاء في قالب استهزائي، و لم يعتذر بالفعل.

عديد الوجوه في هذه الحكومة لا بد أن يتم تغييرها في القريب العاجل، و منهم وزراء القهاوي

كان دشنتو القهوة بعد تدشين مشاريع تنموية راهي الناس سكتت أما خمسة وزراء صامو صامو وبعدها تلمو باش دشنو قهوة و الدول قاعدة تدشن في الجسور و الأنفاق و المحطات الشمسية بصراحة توجع برشا.

زيدو خوذو بخاطرنا واستقيلو حفظا لماء لوجه ومبعدها تو نسامحوكم