آنا نقول تخفيض الاسعار هي مؤامرة بين الجهاز الي باش يعمل على التخفيض واعضاء المجلس التاسيسي من ناحية على الفلاحين خاصة...الفلاح عاش عمرو كامل مرهوص في حقلو يصارع في الامرين...يجري ما يلحق...عمرو ما ربح مليم...يعس عليه السارق دوب ما يربي علوش يحجمولو شواربو ويخلوه على الديسكو...الستاغ له بالمرصاد تجيه الفاتورة تخليه يم...الغلا والكوى في المواد والعلف...ياخي الفلاح ما عندوش ولاد يقرو؟ما يلبسش؟ما ياكلش؟ما يسافرش؟ما يمرضش؟حرام باش الفلاح يحس روحو
كريم غي حياتو؟كيفاش يبيع خضرتو باقل من راس مالو والنايب في المجلس التاسيسي راقد على كرسي في باردو ويضرب في زوز ملاين؟تعرفو الي الفلاح عمرو ما شاف زوز ملاين في حياتو؟تعرفو الي الفلاح يهبط للبير باش يصلح ماش متاع الترنبة يلمو يهبط خمسين ميترو تحت الارض؟هذي لوغة ما تعرفوهاش يا اهل المدينة؟تسخايلو الطماطم والفلفل والبصل واللحم مطيشين على وجه الارض والفلاح يلم فيها ويجيبها للسوق...يهلكو بورقيبة في قبرو والجماعة الطحانة الي يرحمو عليه ...على خاطر
اتحاد الفلاحين كان في جيبو...ما يسمع صوت الفلاح حتى حد...نسمعو كان الضغط على الاسعار...تو يجي الوقت الي الفلاح يعمل سنة بيضاء...ما ينتج حتى شي...تو نشوفو وقتها ندرى نضغطو على شهريات اعضاء المجلس التاسيي باش نوردو الخضرة من الصومال والا لا...لعل كلمة فلاح راهي غير معبرة...تفكرنا بهاك الفنان القواد متاع بورقيبة الي يقول ولد الفلاح عايش متاح آش خير منها عيشة هنية فلاح والله فلاح...والتوانسة مصدقين الهدرة...نتحدى التلفزة الوطنية انها تعمل اشرطة
وثائقية عوض الخزعبلات الي تعدي فيها في رمضان وتوري الحقيقة المزرية للفلاح التونسي بين اللصوصية المحترفة والامن المتعامل الي يسمح بمرور الشاحنات الحاملة للمسروق والحاكم الي يضغط على الاسعار وغلاء المواد والعلف وجشع السمسارة والهباطة...هاو موضوع بلاش نتحدى شكون يقوم بها العمل