Est un luxe يا سي حبيب يهديك القعدة في الدار في وقتنا
تعرف مرة سألوا مرا من الصين وقتاش تكون المرا حرة بالحق قالت وقتلي يكون عندها الحق باش تختار تخدم وإلا تبقى في الدار
أنا وراجلى مناش خالطين على الضروريات أقل كرا ب250 دينار والقفة القليلة الفارغة ب10دينارات وتقلي 6من الستين ساهل هو واحد يضرب ميزانيتو للشطر يزيكم من لوغة أنتوما النسا تلوجو على الخرجة وتحقيق الذات أذاك الكل كلام فارغ مالزنا عالمر كان اللي أمر منوا قبل كان البو يعاون أولادو والناس الكل ملمومة في دار وحدة وتعيش بقفة وحدة وقتنا تو الراجل صعبت عليه الدنيا
ومعادش قادر يقوم بعيلة وحدو خاصة في العاصمة كل حركة بحسابه أنا كنت في الدار رغم أني مجازة كنت نرفض الخدمة لكن ماخلطناش الحل مهوش في قعدة الدار آش خص، حد ما يبيع الراحة بالتعب وجنة الدار بجحيم الخدمة والنقل العمومي وعوج العرف، قعدة مع أولادي بالدنيا وكلامي هذا برشة نسا مؤيدينو

@ فنطة، بربي سامحني أما احسنلك تعيش كما تحكي مكش متمتعة بالفلوس إلي تجيب فيهم بل بالعكس هما سبب مشاكلك وإلا تربي صغارك كما تحب تراهم يكبروا قدامك على عينيك تقرهم وتورهم كيفاش يطلعوا رجال يفرحوك نهار أخر ويحنو عليك ولا الله لا يقدر يبدا بسيجارة وبعد الله أعلم شنوا. والله لو كان لفلوس إلي تجيبها تنجم تفيد ميسالش أما هي تدخل منا تخرج منا؛ الله يهدي وربي يصلح لك صغارك يا رب وصغار توانسة لكل

شيء طبيعي، مادام الأوضاع انقلبت اليوم صار الوالدين مربوطين في الإدارة والأبناء أحرار أنا مثلا على ذمة الإدارة من ال8 حتى5.45 دقيقة وأولادي إما في المدرسة أو في الحضانة وهما يعرفوا إلي أنا الوقت هذا الكل في الإدارة ومننجمش نخرج يعني هما متهننين علي وينجموا يعملوا إلي يحبوا التوقيت الإداري آفة خطيرة وعندو دور كبير في تشتت الأسرة العالم الكل بدلوا إلا أحنا مازلنا مكبشين فيه . أنا ما نعدي مع أولادي إلا 3ساعات في الليل نوصلو للدار 7.30 أنا ندخل بدبشي
للكوجينة يعني حتى ال3ساعات منحصلوا منها شيى وقتاش باش نوجههم وانعلمهم ياخي هي ماكلة باش نصبهالم في درج وهما وقتها يبداو تاعبين وما يقبلوا مني شيء يعني مخاخهم تسكرت الوالدين لازم يكون عندهم وقت أكثر مع صغارهم باش كل ما شافوا عوج يصلحوه أما خسارة أحنا مربوطين في الإدارة وصغارنا مسيبين في الشارع وبعد يقلك الأسرة والترفيه تي حتى نوصلوا نتقابلوا معاهم أحناأنا والله متوحشة أولادي مانيش متمتعة بيهم مانيش نرى فيهم يكبروا وعندي ياسر حاجات نحب نعلمهالهم
أما خسارة الوقت والشارع ضدي أنا نبني وهما يهدوا .

لا وزارة الصحة ولا غيرها تنجم تبطلهم من دخان. فقط الأب والام ينجمو. ياخي شي غريب ما يشموش عليهم ريحة الدخان؟ شي يحشم ساعة تشوف ولاد ١٢ والله 13 عام شداد سيجر أطول منو