هذا التهميش ناتج عن نتائج الإنتخبات

@ Mousalim

ملخص الحديث جامعات الطبّ في تونس هي حكر على المتفوقين فقط لا غير ! و الدليل العدد الكبير لطلبة الطبّ من الجنوب و الشمال الغربي و الوسط !
الطبقيّة اللّي تحكي عليها موجودة أكثر في كلّيّة الصيدلة الوحيدة في تونس بسبب سيطرة الصيادلة الكبار على القطاع و تقريبا إستحالة إيجاد مستقبل في هذه الوظيفة إن كان الشابّ أو الشابّة ليسا من عائلة صيادلة ! لكن طبعا مشكلة الشبان خريجي كليّة الصيدلة ما تخصّ التونسي في شيء بما أنّها ما تمسّوش مباشرة !

@ Mousalim
يبدو أنّك لا تعلم أنّ خيرة المعاهد النموذجيّة توجد في المناطق الداخليّة، و أنّ جامعات الطّبّ في المنستير و سوسة و صفاقس و تونس تعجّ بأولاد و بنات الجنوب التونسي و الشمال و الوسط الغربي ! أنا شخصيّا درست في المعهد التحضيري لـالدراسات الهندسيّة بتونس و كانت رفيقتي في السكن من تطاوين و زملائي و زميلاتي من باجة و القصرين و سليانة و سيدي بوزيد و قفصة و تطاوين (أؤكّد لك أنّي الآن أرى وجها مع كلّ ولاية أكتبها) فضلا عن بنزرت و نابل و سوسة و المنستير و
صفاقس و قابس و مدنين ... أختي درست الطبّ في المنستير و كلّ صديقاتها اللّاتي أعرفهنّ تقريبا من مناطق الجنوب و الوسط التونسي ! الحمد لـاللّه لازال الوصول إلى جامعات الطبّ و الهندسة العموميّة في تونس قائما على الكفاءة (بنسبة 95 %) و عدد كبير من خريجي كليات الطب هم أصيلوا المناطق الداخليّة، لكن لا يجدون أيّ نفع في العودة إلى مدن تقتصر إلى أبسط التجهيزات الصحّية و دفن سنوات طويلة من التكوين تحت التراب في حين يكون شباب مثلهم في ميادين أخرى يبنون
مستقبلهم المهني و يتعلّمون و يطوّرون أنفسهم ! أعرف شخصيا طبيب إختصاص مقيم في فرنسا ترك عيادته و عمله و هو في سنّ الأربعين ليذهب لتعلّم تقنية جديدة حديثة في كندا مدّة سنة ! و أنتم تطالبون أطباء حديثي عهد بالممارسة بالذهاب إلى أماكن تعتبر مقابر لما تعلّموه مدّة 12 سنة لنقص التجهيزات و الأطبّاء الكبار المؤطرين !!!

و بورقيبة حسب ما أعلم طبّق تسخير الأطباء لـالعمل في المناطق الداخليّة و لا أعلم إن كان ذلك في انتظار تزويد المناطق الداخلية بما يلزم من الجامعات و المستشفيات الجامعيّة أم ليكسب ودّ البسطاء و يغطّي عين الشمس بالغربال كما فعل المكّي ! في الحالات الكلّ حسب علمي المفروض لا يتمّ تسخير الأطباء إلّا في حالة الحرب و إلّا يكون ذلك من العمل الإجباري المتعارض مع حقوق الإنسان !

@ Sadok

آكاهو قلنا الدولة هي المشكلة دار مباشرة لبورقيبة. و اللّه الرّجل يشكر و لا يذمّ على تأسيسو ل 4 جامعات طبّ من أصل 4 ! منهم ثلاثة في أكبر ثلاث مدن في تونس هي على التوالي تونس، صفاقس و سوسة (أقصد من حيث الكثافة السكانيّة). يمكن الغلطة الوحيدة اللّي تنجّم تلوم عليها بورقيبة هي جامعة المنستير ! السؤال اللّذي عليك طرحه بدل سبّ بورقيبة مباشرة، هو لماذا توقّف إنشاء جامعات الطبّ في تونس بعد المنستير عام 1988 ؟ باهي نقولوا بورقيبة بدأ بالمدن الكبرى !
المفروض نواصلوا و في نسق حثيث لتمكين كلّ الجهات من مستشفياتها مش تأسّس أكبر ثلاث جامعات طبّ في تونس في غضون 10 سنوات و مجموعها أي أربعة في مدة 20 سنة ثمّ منذ 1988 لا شيء !!! تي كان جينا ماشين بنفس النسق اللّي مشات بيه تونس في عهد بورقيبة رانا عنّا توّا 4 جامعات إضافيّة في مناطق الداخل و الجنوب التونسي !

الله لاتربح من كان سبب في هذا الغبن سوى من الحيين وإلا من الميتين

وينهم جماعة بورقيبة.....الله لايرحملو عظم

اللوم الأكبر يقع أساسا على الدولة و سياساتها المعوجة غير العادلة مش على الأطباء ! حسب معلوماتي الدولة اللّي تلمّ في الضرائب من غير ما تخمّم يوما إنّها تؤسّس كلّيّة طبّ يجاورها مستشفى جامعي في تطاوين ولّا توزر ولّا قفصة أو الڨصرين أو الشمال الغربي كافّة هي اللّتي تلام ! ماكانش فاش ماشين يعملوا أولاد و بنات الجنوب و المناطق الداخلية في جامعات سوسة و المنستير كان جات لهم جامعات و بنية تحتيّة و مستشفيات جامعية تصلح كيما مخاليق ربّي !

@ Ayed Halleb

لا أحسن حالا اللّه غالب ! هاذي ناس نجحت الباكالوريا ب 16 و 17 معدل فما فوق، ناس تقرى 12 عام منهم 5 نظري و الباقي تطبيقي يخدموا فيهم الأطباء المقيمون ما يقرب 60 ساعة في الأسبوع في المستشفيات الجامعية الكبرى بشهريّة أستاذ ثانوي. هذا فضلا عن أنّوا المدارس و معدات المدارس لا تختلف كثيرا بين أيّ مدينة في الساحل مثلا و مدينة داخليّة في حين الفرق شاسع و واسع بين مستشفيات الشريط الساحلي و مستشفيات المناطق الداخلية ! و كان تتفرّج على المسلسلات متع الطبّا
و أقسام الإستعجالي تو تفهم أهمّية الأجهزة و الأطباء الكبار في تكوين الطبيب و مستقبله المهني، بالكش تفهم مدى ظلمك لطبيب تخرّج في سنّ الثلاثين باش يلقى روحو ملوّح في منطقة لا فيها لا تجهيز لا تكوين لا مستقبل و لا هم يحزنون !
كانك على المعلّمين يظهرلي كي يبدا خريج مدارس تكوين المعلمين (اللّي سكروها تو باش يكمّلوا على البقيّة الباقية من جودة التعليم) و نجح مناظرة الكاباس (اللّي أسهل ببرشا من مناظرة الإقامة) مانتصوروش يلقى روحو في سنّ الثلاثين مازال يخدم بعيد على عايلتو، في حين تحبّ سيادتك الطبيب المختص يبدا يعيش في سنّ الخامسة و الثلاثين هذا فوق التعب و التمرميد و الخدمة و سهر اللّيالي.
ختاما مقارنتك لـالمعلّمين و الأطباء برجال الأمن و الجيش ما عندها حتّى معنى و هذا معلوم في كلّ دول العالم، و لا يتساويان إلّا في حالة الحرب و ما أظنّ تونس في حالة حرب اليوم ! و السلام !

رابع سيدة يتوفاها الأجل عند الولادة هذه السنة في تطاوين لغياب طب الاختصاص... في طريقها نحو مستشفى جربة... الله يرحمهن ويرزق ذويهن جميل الصبر والسلوان... قابلة واحدة في مستشفى جهوي في موفى 2015... شعور بالغضب ينتابني... نفس الوضعية أو أتعس في ولايات سيدي بوزيد وجندوبة والقصرين... سيحسب التاريخ لعبد اللطيف المكي أنه حاول ذات يوم..

من أسوء الأخبار أن تبقى الولايات المهمشة ضحية الظلم الذي يلاحقها منذ عقود .فالمناطق الداخلية تستحق لأبنائها البقاء فيها لكن عبر تأهيلهم في كل الإختصاصات المطلوبة وأولها الإختصاصات الطبية وشبه الطبية والحل على المدى المتوسط هو تمكين كل النجباء في تلك الولايات من الإلتحاق بالمعاهد النموذجية تحت رعاية وزارة التربية ثم التعليم العالي ليكونوا منطلقا لسد الشغور من أهل تلك المناطق ولا تبقى كليات الطب حكرا على بعض التونسيين دون سواهم .

وزارة الصحة صحه النوم، بعد ما خلت شرى مكحله

عار ان يحدث هذا في القرن 21 وبعد 60 عاما من الاستقلال...يجب على الدولة ان تفرض على الأطباء العمل في المناطق الداخلية ولو دوريا، فهم ليسوا احسن من رجال التعليم ورجال الأمن والجيش

والله لعظيم شيء إنطق رانا في الجنوب حسب الدستور مواطنين كيما بقية انحاء الجمهورية راه نخلصوا في الأدآت كيف الناس الكل لكن ديمة مغبونين ومنسيين بصراحة موش معقول بعد ستين عام مانلقوش طبيب في تطاوين وبلايص أخرى كيف الساحل وصفاقص عندهم كل شيءوتوى ماعادش نقبلوا باش إجي شكون إهيب علينا وإسكتنا بوعود زائفة