السلام و عليكم ،
بالله نسألكم سؤال :
زعما في تونس ما زال شكون يفكر في أهداف الثورة ، و مستحقاتها، في العدالة الانتقالية ، في المصالحة الوطنية ، في الطفولة ، في العجز ، في العائلات المعوزة ؟؟؟؟ في الحالة البيئة ، في مشاريع التنمية في مكثر ، و جندوبة ، و حفوز، و دوز، و لجم .... ؟؟؟
فين وصلت حملة ما نيش مسامح ؟
قالوا الحكومة تحذر في الناس من المظاهرات ؟ علاش زعما ؟
قالوا فما تونسية في الخارج قالت لأصاحبها لا تأتو إلى تونس ؟ أش وقع ؟
قالوا الحكومة تحضر للانتخابات البلدية ؟ بصح ولى كذب ؟
سمعت في باب نات قالوا فما الاستخبارات الأجنبية في الوتلة متع التورست ؟ شيبهم زعما ؟
ما نعرفش صحيح و إلا غالط ، فما واحد صاحبي قالي ماهمش إستخبرات بوليسية ، و إنما مختصين في قياس درجات الغضب الشعبي " علوم إجتماع ، علوم سياسية ، مختصين في دراسة التوترات الاجتماعية مبكرا "، و مدى قدرته على التحرك في الشارع و درجة الفوضى إلي يمكن يعملها . و قالي هذوك الأجانب إلي في الوتلة متع التورست عندهم إتصالات بالتجار الكبار ، باش إذا تحرك الشعب يقولولهم احتكروا السلعة، و يقولوا لدولهم ما يصدروش لتونس بطوات البطاطة و القمح وزيت الحاكم .
و الله مانيش عارف هالطفل هذا يكذب و إلا صادق .

بالله ما فماش شكون يقولي واش صاير بالضبط .
يرحم والديكم ما تخلونش متقلق، كنت راقد عامل تعسيلة ، قلولي بربي .

صحة النوم ...

كيف كنا نحكيوا في هذا الموضوع عنا سنتين ... كانوا يستهزؤوا بينا ... و يقولوا نظرية المؤامرة مسيطرة عليهم ...

و لكن ظهرتوا سذج برشة ... او ربما حينها كنتم يدفع لكم لتغضوا النظر ... و وقت قصوا عليكم الدزة ... انطلقت السنتكم ...هههه

و الله اعلم

السؤال الحارق بعد هذا التصريح المشفر لماذا حدد مكان تواجد أعوان الاستخبارات العالمية وهل هي رسالة للإرهابيين بمعنى أنه عميل مزدوج ومندس .