هذا هو الفرق بين عائلة بن علي بالمكياج ومن غير مكياج..

Lundi 07 Janvier 2019



Lundi 07 Janvier 2019
نصرالدين السويلمي

آخي كيفاش بن علي نزل للمستوى هذا ورضا يعطي بنتو لكادوريم، وكيفاش يرضى يظهر بالصورة هذيكا؟
السؤال غالط! السؤال هو : كيفاش طلع بن علي للمستوى هذاك"قبل سبعطاش" وكيفاش خرج بالمظهر هذاك وقت خذت بنتو ولد الماطري؟

الجواب هو الدولة وما ادراك ما الدولة..



الصورة الثانية مع كركوبة الوشام هي اصدق بالف مرة من الاولى، الصورة الثانية تخلص فيها بن علي من اتيكات الدولة وماسك الدولة ومقدرات الدولة ومتطلبات الدولة ومخادعات الدولة، في الصورة الثانية ماكانش ثم حتى ضغوطات ولا استحقاقات، الصورة الثانية ظهرت فيها العائلة على حقيقتها عارية من الدولة، هذاك هو المواطن بن علي والمواطنة ليلى، هذيكا هي اخلاقهم وهذاك هو كارهم وهذاكا هو دومانهم، تسرح بنتهم مع كتلة متاع وشام، تنشر تصاورها شبه عريانة وتعدي اشهر تطلفح من بواتة لبواتة ومن وتيل لوتيل مع كركوبة متاع راب مغشوش، وبعد يتلم شمل العائلة ويخرجوا بصورة باش تخرس السن السوء، الي ظنت في الطفلة حاجة خايبة.



بالنسبة للصورة الاولى، الجبب والروب الي لابسينها والشعار الي وراهم والعلم والعقولية والبرستيج والاسرة الطيبة الوديعة الي تشبه العائلات التونسية الارستقراطية النظيفة، الابتسامة الهادئة المطمئنة الي بعيدة على الضحك الشعبوي وبعيدة على التكشيرالدكتاتوري..هذاك الكل مكياج الدولة.. كي تحب تعرف حقيقة الممثلة والا عارضة الازياء والا حتى العروس الي دلست ما استعملتش المكياج العادي، ماك تنحي ليها الاجهزة الكل، تخليها اوريجينال، تغسلها غسيل دوارة في الواد، تنشفها، تنشرها وبعد تحكم عليها..هكاكا العائلات الحاكمة، نحيلهم السلطة، خرجهم من مؤسسات الدولة كي الشعرة ملعجين، اغسلهم غسيل دوارة في الثورة، وبعد احكم عليهم.. الصورة الاولى فوتوشوب دولة،عائلة مْكْيجة بالسلطة، الصورة الثانية طبيعة عائلة كانت حاكمة وغسلتها الثورة من مساحيق الدولة.


  
  
     
  
festival-497c3813eed0b74fcae6fe9b8363cebe-2019-01-07 20:59:03






6 de 6 commentaires pour l'article 174547

Mandhouj  (France)  |Mardi 08 Janvier 2019 à 15h 34m |           
تصحيح :

كل حاكم يحبوا ربي يلزم يكثر في الدستور من الحكم المضاد ، حتى لا يعطي لنفسه فرصة الطغيان ، و الخروج على القانون !! برا شوف إشكون يفهمك !!!!

Mandhouj  (France)  |Mardi 08 Janvier 2019 à 15h 31m |           
الله يلطف بينا !! أكل الحرام صعب !! وتلك هي الدنيا ، الشيب ما فيه عيب !!

على كل حال لا شماتة .. وهو لا ننسى أنه ليزال متمعش في مال التوانسة !! ومن خان بلاده و شعبه !! الله غالب حياته تكون مؤلمة رغم الثروات !! عين بو قصعة (بوكاسا) الذي أهدى الديامنة لجيسكار !! كيف عدى آخر أيامه يعجن في الفرينة باش يوكل عائلته ، إنتهى المال ، أو قطعت منابعه !! ثم سلمته السلطات الفرنسية لحكومة بلاده !! التاريخ مليء بالأمثال والأحداث و الوقائع !! لكن السلطة تعمي !! وكرسي الحكم يزين لصاحبه الخلود ، و أنه لا يحاسب !! فهو القانون و ليس فوق
القانون فقط !! تلك هي الأنظمة الشمولية تغدر بقادتها في الأخير !! كل هاكم يحبوا ربي يلزم يكثر في الدستور من الحكم المضاد ، حتى لا ياتي لنفسه فرصة الطغيان ، و الخروج على القانون !! برا شوف إشكون يفهمك !!!!

على كل حال !! بن علي هرب !! كانت هربة جميلة !! هربة سارق !! بالله تخيلوا لقدر الله كان ما هربش !!؟ ما ذا يحدث تلك الليلة ! ؟ لا أحد يستطيع التخيل !! لذلك هو هرب .

Moutawassity  (Tunisia)  |Mardi 08 Janvier 2019 à 08h 54m |           
عندي سؤال خطيييير !!! ثبتوا معايا الطفلة طوالط على الآقل 20 صم ؟؟؟

Bensa94  (Tunisia)  |Mardi 08 Janvier 2019 à 07h 56m |           
Mr le rédacteur de cet article , pourriez vous publier une photo de la Tunisie avant et une photo de l'état du pays aujourdhuit
La famille ben Ali et la Tunisie ont tous les 2 subit l'effet de la dite révolution.
Ce qui nous inquiète c'est l'etat du pays et non la famille ben Ali
Que chacun essaie de balayer devant sa porte

Fessi425  (Tunisia)  |Lundi 07 Janvier 2019 à 20h 46m |           
إلى الفناء إن شاء الله

Essoltan  (France)  |Lundi 07 Janvier 2019 à 20h 45m |           
La vie , la vie , la vie ne fait pas des cadeaux
Et nom de Dieu , c'est triste chez les BEN ALI avec ou sans K2Rym ...
Quelle mascarade !!!
Ce petit MORVEUX qui se prend pour un prince , il a oublié son passé misérable et maintenant il ose poser à côté de deux MONSTRES qui ont humilié et ont ruiné la Tunisie .





En continu


الأحد 16 جوان 2019 | 12 شوال 1440
العشاءالمغربالعصرالظهرالشروقالفجر
21:07 19:42 16:12 12:27 04:59 03:03

20°
31° % 88 :الرطــوبة
تونــس 18°
2.1 كم/س
:الــرياح

السبتالأحدالاثنينالثلاثاءالأربعاء
31°-1830°-2028°-1929°-2034°-23









Derniers Commentaires