سامي الفهري يتحدى القضاء ويرفض تقديم نفسه

@tun tun.....تدخلك واضح و رائع.....شخصيا فهمت الموضوع..قضية الفهري...منك ...أكثر مما سمعته من الحكومة أو وسائل الاعلام...شكرا جزيلا...

@tun tun .. un petit ou un grand voleur c'est un voleur .... tout les voleurs doivent être poursuivis... un petit animateur radio s'allie à bt et devient millionnaire ...."من أين لك هذا؟"

ا حكومة الفوضي
حكومة الفوضي
حكومة الفوضي

هذا التصرف من سامي الفهير ياتي لأحد سببين: اما لأنه متيقن من ضعف سلطة الدولة و اما ان يكون هو واثق من استمرار سطوة ماكينة الفساد التي مكنته من لهف ما سرقه من أموال الشعب. لكن الشي الذي لا يعلمه الفهري ان الشعب اذا تيقن من وجود واحد من السببين فسيتصرف بطريقته التي قد ترضي كل الشعب و لا ترضي الدولة و الفهري.

سامي الفهري بين المطرقة.. و الأفلام

بش نحاول نكتب على حكاية الفهري و نفصص الرمانة، خليت الأمر يستراح و درت هنا و غادي و كونت الراي هذا، هاني نقسمو معاكم و نستنا تعاليقكم الي إن شاء الله تكون واقعية و عقلانية و بعيدة على كل ماهو عاطفي

نبداو ببعض المعلومات المفيدة :
هل تعلم ان قناة التونسية هي قناة ملك الحكومة 100 %

هل تعلم إنو كاكتوس و قناة التونسية الدولة تملك فاهم 51% من راس المال ( أي القيمة المصادرة من بلحسن الطرابلسي )
هل تعلم ان 49% الباقية مصادرة لسامي الفهري تحت اشراف متصرف قضائي ، ليصبح سامي مجرد موظف في القناة
هل تعلم إنو كاكتوس و التونسية يديرهم موتمن عدلي تعينو الحكومة يعني من لخر كان جاو يحبو يتدخلو في المحتوى
إلي تبث فيه الموتمن العدلي إلي عينوه يخدم الخدمة من غادي لغادي و يولي الطحين بالمشطة و لا من شاف و لا من درا

هل تعلم إنو قناة نسمة رفعت قضية بالتونسية باش تمنعها من بث القلابس في رمضان بما أنها تدعي إنو الحقوق الحصرية للقلابس ملك ليها في منطقة المغرب العربي و إنو القضاء حكم بحق التونسية في تمرير القلابس يعني كان جات ثما نية في منع التونسية من تقديم القلابس ولا كان جاء القضاء موش مستقل كانت بسهولة و منغير شوشرة ينجمو يصدرو حكم لمنع التونسية من تمرير القلابس و حد ما ينجم يحكي

هل تعلم انو الأمر القضائي إلي صدر ليس له علاقة بقناة التونسية و لا ببثها و لا ببرامجها و لا بقلابسها و لا بما تبثه أو لا تبثه الأمر متعلق فقط بشخص سامي الفهري المتهم بسرقة 120 مليار من التلفزة التونسية يعني التونسية مواصلة البث على روحها بقلابسها بكلها بنوفلها الورتاني

هل تعلم أن القضية ضد سامي الفهري ترفعت سنة 2011 في عهد قايد السبسي

باهي إيجا خلي نجاوبو على بعض الأسئلة المتواترة

-النهضة ضغطت على الفهري باش يوقف القلابس، كي ما حبش حطتو في الحبس : تره تتصورو معايا لحظة الي الفهري جاتو ضغوطات و حشم و إلا خاف م الحكومة ما قلبش الدنيا على روسهم وقتها؟ إش بيه تفكر الضغوطات كان كي وقفوه؟ إنتوما زادة ظهرلكم فيلم محروق و معادش يوكل الخبز؟

-الفهري "سارق صغير" و كارهم يشدو الكبارات : سامحوني بربي، الي يسرق 120 مليار،موش 120 دينار،سارق صغير؟ إيجا نكتبهولكم بالأصفار الكل 000 000 000 120 الكلها من فلوس المواطن القليل الي يخلص بالسيف عليه في معلوم التلفزة، حاولو تسميلو شكون سرق أكثر من 120 مليار تره

-القضاء غير مستقل : إيه إش معناها؟ نبطلو ؟ نسكرو المحاكم؟ معادش قضايا؟ توة البارح قالبين الدنيا على المحاسبة اليوم ولا القضاء غير مستقل؟ توة غدوة تجيني خطية متع رادار، ما نخلصهاش و قيد القضاء غير مستقل، كان جاء غير مستقل راهم سكرو نسمة و راهم حكمو على التونسية و راهم و راهم..

-محاسبة الفهري لا بد أن تتم في إطار العدالة الإنتقالية : باهي ياسر معناها توة التلفزة و نقاباتها الي قدمو قضية و القاضي الي حقق ولاو مطلوبين، ما فهمتش إش تحبو؟ تحبو واحد كيف يمشي يشكي يقولولو لا ما تشكيش إستنا العدالة الإنتقالية، و إلا تعرف كيفاه؟ الي يجي يشكي نحطوه في الحبس كي تحضر العدالة الإنتقالية نسيبوه يشكي؟ الدولة تحكم في روحها، تنجم تصبر على القضايا متاعها لين تحظر العدالة الإنتقالية، لكن ما تنجم تجبر حتى حد باش ما يقدمش قضية (في حالة
الفهري التلفزة و النقابات الأساسية) و القضاء مجبر باش ينظر في القضية و الحكومة ما عندها حتى سلطة للتدخل

-باهي شبيه العربي نصرة؟ : الساعة التركيز على العربي نصرة و نسيان طارق بن عمار و نبيل القروي هو أمر مضحك، زعمة خاطر العربي نصرة ولى نهضاوي و بالأمارة عدى مؤتمر النهضة.
أولا كان جات الحكاية تكميم أفواه، راهم بداو بالقروي، و الي نصرة رجل أعمال، كي عندك حزب عندو قريب شطر المقاعد، كي تعدي المؤتمر متاعو بش تكون عندك نسبة مشاهدة عالية لا أكثر و لا أقل
من جهة أخرى، الفهري ما هوش يتحاكم اليوم على القفة و التلحيس، يتحاكم على الفساد : المحاكم قداكم، إلي عندو أدلة على فساد نصرة يتفضل يرفع قضية ضد نصرة، أما تحب الحكومة تحاكمو؟ ما صحش الي أمور الدولة نستناو العدالة الإنتقالية؟معناها ما شكى حد بنصرة و تحبو الحكومة تحطو في الحبس هكاكة على الفازة، و نذكر الي نصرة إتدخلو في القضاء و سيبوه وقت الأحزاب الي تحكم توة مزالت ما عندهاش رخص

-باهي علاش توة؟ وقت الي هدت عليه الديوانة في رمضان عمل الفهري فيلم و ولا ضحية زعمة و حرية التعبير و هاك الغناية، و جاوبته الديوانة و طلع كي البصاص يكذب و يفلمم
بيت القصيد : تفضل يا فايسبوك العظيم أعطينا يومية وقتاش نحاسبو فلان و فلتان ، هبطلنا رزنامة كي البطولة وقتاش يساعد، خلي القاضي يولي يشوف اليومية : لا مزال فلان الجورني الجاية نزيدوه شهرين أخرين
فمة ستاتو كتبتو عندي مدة طويلة نذكر بيه : ما فاهم اللعبة كان ولد الفهري، داخل في الحكومة (نذكر الي الفهري ما عندو حتى مشكلة مع التلحيس) باش نهارة إلي يجبدولو دوسي فساد، يلعبها بطل حرية التعبير

نحب نزيد نذكر الي القضية ترفعت في 2011 و خذات أطوارها و الي ما رفعتهاش الدولة و الي وقت القاضي إستكمل الملف عدى بطاقة إيداع، أما خسارة ما عندوش رزنامة الفايسبوك باش يعرف وقتاش الوقت يساعد الفايسبوك
الفهري موش بهيم، و عمل بطريقة الي حتى وقت ما يساعد و الي كي عيطولو على دوسي لشخصه، ما عندو حتى علاقة بالقناة يخرج بطل و يسيس قضية ما فيها شيء سياسي

-النهضة وقفتو باش تغطي على التعيينات : التعيينات ماهيش سرية، و ما شدك حد باش تحكي عليها

بعد هالأسئلة فما زوز ملاحظات :
السبسي يوقف قناة التونسية لأسباب سياسية (على خاطر صاحبو نبيل القروي،و ولد خو وسيلة طارق بن عمار تقلقو منه) و اليوم يساند في الفهري رغم الي القضية جزائية و ترفعت في عهده، إيه نعم و بكل حزم زادة

الجرايد العالمية إنخرطت في حملة للدفاع على الفهري مع ذكر كلمات سحرية كيما دكتاتورية و إسلاميين و حاولت تصور الي مربوطة بالقلابس : حتى كليمة على 120 مليار، على شكون و وقتاش ترفعت القضية، على حقيقة إنه الدولة تملك القناة فعليا و على إنه القلابس موش بش تتوقف

بش نلخص : سامي الفهري فاسد، شكاو بيه على دوسيات قبل ما تحكم النهضة، الدولة تملك القناة و كان عينها في إسكاته ما تحيرش، الي شكاو بيه هوما التلفزة و النقابات الأساسية، القلابس بش تتواصل، و ريق قضاء غير مستقل و عدالة إنتقالية و علاش توة و هات من هاك اللاوي : تفليم الهدف منه تسييس قضية بهدف الإفلات من العقاب

ما تربيتوش من حكاية الشرابي الي رديتوها زعمة سياسية و تكميم أفواه و علاش توة، ياخي خرجلكم و إعترف الي لا سياسية لا زمارة؟

شبيني ندافع على الحكومة؟ أبدا! ندافع على الحق،و على حرية التعبير الغالية جدا على قلبي و الي خاطرت على خاطرها أيام الجمر وقت الفهري يمص في فلوس الشعب، حرية التعبير الي يحبو يشلكوها و يردوها وسيلة للتنصل من المحاسبة و العقاب، و موقفي مبني على خوفي على حرية التعبير، نهارة الي يبدا عندنا ضحية بالحق، تكون الناس تعبت من ريق أبطال الوهم و يمشي في الساقين

إتقو الله في حرية التعبير، و يزيو بلا أفلام

ياسين العياري

امبراطور الاعلام الغربي مردوخ لم يتحد قوانين العالم برغم انه كان يسطر على كبرى امبراطويات الاعلام والسيد سامي الطرابلسي الفهري يتمرد ويعلن العصيان انها الغطرسة التي يجب ان تقاوم بكل جدية لاتهون لاتراجع انه حق الشعب والأمة

خبر عاجل/
بعد اعتزاله الغناء منذ سنوات عديدة، الفنان الشعبي فوزي بن قمرة يعلن رجوعه للميدان خصيصا ليهدي سامي مكتوب أغنيته الشهيرة: "نجيبك نجيبك يا المصرارة"

و هو اصلا ثمة قضاء و مؤسسات باش يسلم روحو..زعمة الفهري سرق أكثر من الهادي الجيلاني و لا شفيق جراية و لا تاجرالسلاح العربي نصرة ولا مروان المبروك ولا بن عياد.. يزيكم مالكذب يا بندارة النهضة ما تنجموش تغطو عين الشمس بالغربال

في قلبو في قلبو يا سارق قوت الشعب!
و على الدولة تطبيق القانون و إلا فسيتم تطبيقه في الشارع كما حصل في مصر مع البلطجية...
نهايتك سوداء يا سامي مكتوب، جايبينك جايبينك

باهي توا ثماش شكون ينجم يفسرلنا الحكاية بكلها ؟مطلوب ما هوش مطلوب ؟ ثم و إلا لا بطاقة إيداع ؟
و إلا بصراحة فك عليــنا من الخرافة

لو رفض مواطن عادي مثلي امر القضاء لقضي عليه ولكن دنيا العجائب لك الله يا تونس.يرتع فيها السراق وأكلة لحوم التوانسة أين الأمن والقضاء المختص وسامي الفهري سيكون دكتاتور تونس الجديد كما يقول المثل بفلوسهم اعفس فيهم لانهم جرذان لا يستحقون الثورة ولا الحرية

امام الحكومة تطبيق القانون او الفوضي ..ضاهرة التمرد ع القانون وأحكام القضاء بدات مع عصابات الاتحاد وهي سنة بدات عند الفاسدين وحثالات التجمع وتتحمل الحكومة تطبيق وفرض القانون ولما التردد والخوف والشعب والشرعية معها؟!!!!

فلتنشر صورته في كل مكان وعبارة -مطلوب القبض عليه-مقابل دولار ...

بما أنه صدم بالطريقة التى تم إعلام بإصدار بطاقة الإقاف ضد موكلك يا أستاذ ،ربما القانون الدولى لحقوق الإنسان يسمح لموكلك البقاء فى منزله ويمكن إعتبار ذلك حالة إقاف خاصة أنه "واصل مع الطرابلسية وأتباعهم من مسؤولين كبار فى سلك القضاء والأمن ......إلخ" بربى زيد شوف عذر آخر فى فصول القانون الى قراؤها لك .

الثوار وراك وازمان طويل